सामाखुशीमा कांग्रेस वीपीको पत्रकार सम्मेलन

२३ असार, काठमाडौं । नेपाली कांग्रेस वीपीले काठमाडौंको सामाखुशीमा पत्रकार भेटघाट कार्यक्रम गरेको छ । नेपाली कांग्रेसले विपीको सिद्धान्तलाई छाडेको भन्दै पुराना नेता हरिबोल भट्टराईको नेतृत्वमा कांग्रेस वीपी गठन भएको हो ।

यो पार्टीका विभिन्न २५ जिल्लामा संगठन विस्तार भइसकेको छ । लकडाउनका कारण पार्टी विस्तार कार्यक्रम रोकिएपनि लकडाउन खुलेलगत्तै थप १८ जिल्लामा पार्टी बिस्तार गर्ने योजना रहेको कांग्रेस विपीका प्रमुख भट्टराईले बताएका छन ।

वर्तमान कम्युनिष्ट सरकार भ्रष्टाचारमा लिप्त रहेको भन्दै कांग्रेस वीपीले आपत्ति जनाएको छ । राष्ट्रघाती एमसिसिका बुँदा संशोधन गर्न सिंहदरबारको एक कोठामा बसेर नक्सा सार्वजनिक गरेर राष्ट्रवादी नभइने भन्दै भट्टराईले सक्ने भए कालापानीबाट भारतीय सेना हटाउन ओलीलाई चुनुौति दिएका छन ।

एमसीसीको विरोधमा नेपाली कांग्रेस वीपीले प्रधानमन्त्री केपी शर्मा ओली र कांग्रेस सभापति शेरबहादुर देउवाको पुत्ला जलाइसकेको छ । चाँडै नै वर्तमान सरकार र एमसिसीको विरोधमा दोस्रो चरणको आन्दोलनका कार्यक्रम घोषणा गर्ने पनि कांग्रेसले वीपीले जनाएको छ ।