को हुन नयाँ प्रहरी महानिरीक्षक शैलेश थापा क्षेत्री ?
नेपालबहस संवाददाता
असार २३, २०७७ बुधबार १:२७:५२
२३ असार, काठमाडौं । नेपाल प्रहरीको २८ औँ महानिरीक्षकमा नियुक्त शैलेश थापा प्रहरीका इमान्दार र लोकप्रिय पूर्व डीआईजी शम्भुबहादुर थापाका छोरा हुन । भक्तपुरमा जन्मिएका थापा २०४९ सालमा प्रहरी निरीक्षकबाट नेपाल प्रहरी सेवामा प्रवेश गरेका हुन् ।
प्रहरी निरीक्षक भएदेखि नै उनी सेवामा इमान्दार मात्रै होइन, सक्षम र कुशल प्रहरी अधिकृतका रुपमा परिचित थिए । सेवाको शुरुको समय उनले प्रहरी हेडक्वार्टर नक्सालको आईजीपी सचिवालय र प्रहरी प्रशिक्षण प्रतिष्ठानमा बिताए ।
हेडक्वार्टर हुँदा उनले प्रवक्ताको जिम्मेवारी समेत पाए । प्रवक्ता भएकै बेला उनले आफ्नो छवि सञ्चारमाध्यममा पनि परिचित गराउने मौका पाएका थिए । खासगरी पत्रकार र सेवाग्राहीसँग मिठो भाषा बोलेर कार्यसम्पादन गर्न रुचाउने थापाले आफूभन्दा जुनियर प्रहरी जवान तथा सेवाग्राहीलाई दुव्र्यवहार गरेको घटना विरलै होला ।
प्रहरी प्रवक्ता हुँदा नै उनले नेपाल प्रहरीको सुचना सेवालाई थप प्रभावकारी बनाएका थिए । त्यसपछि उनी महानगरीय प्रहरी प्रमुखको रुपमा काम गरे । त्यसपछि उनी मानव स्रोत साधन तथा प्रशासन विभागको प्रमुखको जिम्मेवारी सम्हाल्न पुगे । अहिले पनि उनी त्यही छन् । अब दुई दिनपछि मात्रै उनले आईजीपीको कार्यभार सम्हाल्नेछन् ।
यसअघिका पाँच जना पूर्वआईजीपीसँग काम गरेका थापा नीति निर्माण, अनुसन्धान र प्रहरी कमाण्डको कार्यान्वयनमा सफल मानिन्छन् । त्यस्तै थापाले सुडान, पूर्वी टिमोर र बोस्निया मिसनमा समेत गएर अनुभव बटुलेका छन ।
के के छन चुनौति ?
बाबुजस्तै प्रहरी संगठनमा इमान्दार र नामी प्रहरी अधिकृतका रुपमा चिनिएका थापासँग चुनौति पनि त्यत्तिकै छन । पछिल्लो आईजीपी बन्ने होडमा लोकप्रियता कमाएका तर कार्यसम्पादनमा त्यति सफल नदेखिएका आईजीपीको खराब प्रवृत्ति र प्रष्ठिालाई बदल्ने अवसर उनीसामु छ ।
संगठनलाई मजबुत बनाउन चाहने थापा राजनीतिक पहुँच र हस्तक्षेप रुचाउदैनन् । उनले आईजीपी बन्दा पनि राजनीतिक रुपमा त्यस्तो देखिने लबिङ गरेको पाइएन । गृहमन्त्री रामबहादुर थापालाई समेत उनले प्रभावमा पार्न आवश्यक ठानेनन् भनेपछि उनी कति कुशल संगठक र इमान्दार छन भन्ने देखाउँछ ।
यसरी हेर्दा प्रहरी संगठनमा सफल मानिएका थापालाई चुनौति सामान्य छैन । पछिल्लो समय राजनीतिक पहुँच र हस्तक्षेपबाट ग्रस्त प्रहरी संगठनलाई अब कुशल र जुझारु बनाउने जिम्मेवारी उनको काँधमा छ । यस्तै धेरै चर्चित र रहस्यमय रहेको कञ्चनपुरकी १३ बर्षीया बालिका निर्मला पन्त प्रकरणको सत्यतथ्य छानिबन गर्ने जिम्मेवारी पनि उनको काँधमा छ ।
यससँगै प्रहरी हिरासतभित्रै कैदीले आत्महत्या गर्ने, केरकारका नाममा हत्याकै अवस्थामा पु¥याउने गतिविधि पनि सुधार्ने जिम्मा उनको काँधमा छ । पछिल्लो समय मानवीयता देखाउनबाट पटक पटक चुकेको प्रहरी संगठनलाई उनले मानवीय मात्रै होइन, व्यवहारमै जनताको साथी बनाउने अवसर पनि छ । प्रहरी संगठनप्रति वितृष्णा र निराशा छाएका बेला उत्साह ल्याउने काम उनको काँधमा छ ।
पछिल्लो समय प्रहरीभित्र असन्तुष्ट भएर राजीनामा दिने प्रहरी अधिकारीको संख्या निकै ठूलो छ । तलब थोरै हुने, जीवन र समय पुरै समर्पण गर्नुपर्ने भएपनि योगदानको कदर नहुने गरेको भन्दै निराशा बढ्दो छ । यो निराशालाई उत्साहमा बदल्ने जिम्मेवारी कुशल संगठक थापाको काँधमा छ ।
यो पनि पढ्नुहोस :
शैलेश थापा क्षेत्री नेपाल प्रहरीको आईजीपीमा नियुक्त
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपखिया लागेको जस्तामुनि मालढुंगाका प्रहरीको बास
चैत १४, २०८० बुधबार
अनलाइन प्रहरी चारित्रिक प्रमाण पत्र दिने सेवा तीन घण्टा अवरुद्ध हुने
चैत १३, २०८० मंगलबार
सहायक निरीक्षकसहित प्रहरीका २३ कर्मचारी सम्पर्कविहीन
चैत १३, २०८० मंगलबार
नोबेल पुरस्कार विजेता अर्थशास्त्री डानियलको निधन
चैत १५, २०८० बिहिबार
रञ्जिताको इच्छाविपरित सुदूरपश्चिममा नाउपाका ५ मन्त्री
चैत १५, २०८० बिहिबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
ठूलो दुर्घटनाबाट जोगियो श्री एयरको जहाज, ७७ यात्रु सुरक्षित
चैत १५, २०८० बिहिबार
के तपाईलाई थाहा छ, शेर र शेरनीमा को बढी खतरनाक हुन्छ ?
चैत १५, २०८० बिहिबार