बालमैत्री नगर बनाउन शिक्षा शाखा प्रमुखको आचार्यको महत्वपूर्ण भुमीका

◊ चुत्र महत

२३ असार, भीरकोट । स्याङ्जा जिल्लाको भीरकोट नगरपालिकामा शिक्षा शाखा प्रमुखको पदमा कार्यरत उप-सचिव (अधिकृत स्तर दशाैँ ) हेम प्रसाद आर्चायलाई एक कार्यक्रमकोबीच बिदाई गरिएको छ ।

बिदाई कार्यक्रममा वोल्दै नगर प्रमुख छायाराम खनालले शिक्षा शाखा प्रमुख आचार्य आफ्नो कार्यकालमा इमान्दारी र निष्ठा पूर्वक जिम्मेवारी वहन गर्ने गरेको भन्दै नगरपालिकाले शिक्षाप्रति लिएको उद्धेश्यको पूर्णता गर्नमा ठुलो सहयोग पुर्याएको बताए ।

साथै नगर प्रमुख खनालले वालमैत्री नगर वनाउनको लागी आचार्यको महत्वपूर्ण भुमीका रहेको भन्दै छिमेकी पालिकाको शिक्षा शाखाको पदभार सम्माल्न जानु लागेकाेमा सफल कार्यकालको शुभकामना व्यक्त गरे । विदाई कार्यक्रममा वोल्दै नगर उप प्रमुख सिमा केसी कर्माचार्यले भीरकोटमा रहदा भर आचार्यले शिक्षा क्षेत्रलाई प्रभावकारी र गुणस्तरीय वनाउनको लागी अहम भुमीका निर्वाह गरेकाले आगामी दिनमा पनि सहकार्य गरी अगाडी वढ्ने भन्दै सफल कार्यकालको शुभकामना व्यक्त गरे ।

बिदाईको हात हल्लाउदै शिक्षा शाखा प्रमुख आचार्यले सरकारी कर्मचारी भएपछि कर्मको लागी एक ठाँउ वाट अर्को ठाँउ जाने आउने प्रक्रिया चलिरहने भएको भन्दै भीरकोटमा रहेर आफ्नो १४ महिने कार्यकाल व्यतित गर्दै गर्दा सवै तरहवाट जनप्रतिनिधि,कर्मचारी,राजनितिक दल संचारकर्मी लगायतको निकै राम्रो सहयोग पाएको बताए । साथै आर्चायले घरायसी समस्याको कारण भीरकोटवाट आफ्नै जिल्लामा शरुवा हुन परेता पनि भीरकोटले सम्झेको खण्डमा शिक्षाको समग्र विकासको लागी सधै तत्तपर रहिने वताए ।

शिक्षा शाखा प्रमुख हेम प्रसाद आचार्य कर्मचारी समायोजन पश्चात गत २०७५-११-२८ गते भीरकोटको शिक्षा शाखा प्रमुखको पद समालेका थिए भने उनले २०७६-८-६ सम्म शिक्षा शाखा प्रमुख, २०७६-८-७ देखी ०७६-९-२१ सम्म निमित्त प्रमुख प्रशासकिय अधिकृत र २०७६-९-२१ देखी ०७६-१२-३ सम्म प्रमुख प्रशासकिय अधिकृतको रुपमा कार्यरत रहेका थिए ।

बिदाई कार्यक्रममा प्रमुख प्रशासकिय अधिकृत राजेन्द्र प्रसाद पौडेल र वडा अध्यक्षहरुको तर्फवाट वडा न २ का वडा अध्यक्ष कमल त्रिपाठीले शिक्षा प्रमुख आचार्यले भीरकोटको शिक्षा गुणस्तरीय र प्रभावकारी वनाउनमा महत्वपूर्ण भुमिका निर्वाह गरेकोमा धन्यवाद व्यक्त गर्दै सफल कार्यकालको शुभकामना व्यक्त गरेका थिए । नगर प्रमुखको अध्यक्षतामा सम्पन्न शिक्षा शाखा प्रमुख आचार्यको विधाइ कार्यक्रमको संचालन सुचना अधिकारी राम प्रसाद खनालले गरेका गरे ।

१४ महिना देखी भीरकोटको शिक्षा क्षेत्रमा अतुलनीय सहयोग पुर्याएका आचार्य सरुवा भएर पोखरा महानगरपालिकाको शिक्षा शाखा प्रमुख पद समाहाल्न जान लागेका उनलाई विदाई कार्यक्रममा जनप्रतिनिधि र कर्मचारीको उपस्थीति रहेको थियो ।