एसी मिलानले रोनाल्डोको युभेन्ट्सलाई हरायो

२४ असार, एजेन्सी । इटालियन सिरि ए फुटबलमा शीर्ष स्थानको युभेन्ट्सलाई एसी मिलानले पराजित गरेको छ । गएराति भएको खेलमा एसी मिलानले युभेन्ट्सलाई ४–२ गोलको अन्तरले हराएको हो । दोस्रो हाफसम्म अग्रता लिएको युभेन्ट्सले त्यसलाई जोगाउन सकेन ।

तीन मिनेटमा दुई गोल गरेपछि मिलानले युभेन्ट्सलाई हार चखाएको हो । मिलानका लागि जाल्टन ईब्राहिमोभिचले पेनाल्टी गोल गरे । त्यसअघि युभेन्ट्सका लागि एड्रियन रोबोट र क्रिस्टियानो रोनाल्डोले गोल गरेका थिए ।

६२ औं मिनेटमा जाल्टानको पेनाल्टीलगत्तै फ्रेन्क किसी र राफेल लिओले गोल गरेपछि युभेन्ट्सको हार शुरु भएको थियो । खेलको ८० औँ मिनेटमा एन्टी रेबिकले गोल गरेपछि एसी मिलानको फराकिलो जित सम्भव भएको हो ।

जितसँगै मिलान ४९ अंक सहित तालिकाको पाँचौ स्थानमा छ । हार व्यहोरेपनि युभेन्ट्स ७५ अंकसहित लिगको शीर्ष स्थानमा कायमै छ ।