बालुवाटारमा ओली प्रचण्डबीच छलफल शुरु

२४ असार, काठमाडौं । हप्तादिन भन्दा लामो समयदेखि देखिएको नेकपाको आन्तरिक विवाद समाधान गर्न नेकपाका अध्यक्ष तथा प्रधानमन्त्री केपी शर्मा ओली र अर्का अध्यक्ष प्रचण्डबीच बालुवाटारमा छलफल शुरु भएको छ ।

आज नेकपाको स्थायी कमिटी बेठक तोकिएपनि स्थगित गरेपछि बेलुकी मात्रै ओली र प्रचण्डबीच बैठक शुरु भएको हो । हप्तादिनदेखि दैनिक वार्ता भइरहेपनि सहमति जुट्न सकेको छैन । निरन्तर छलफल र सहमतिको प्रयास भएपनि त्यो टुंगोमा नपुग्दा नेकपामा अन्यौल बढेको छ ।

सहमतिका लागि प्रचण्ड ओलीले राजीनामा दिनुपर्ने बताउँछन भने ओली कुनै हालतमा राजीनामा दिन तयार छैनन ।