सुनकाे मूल्यमा नयाँ रेकर्ड

यो अहिलेसम्मकै उच्च भाउ हो । नेपाल सुनचाँदी व्यवसायी महासंघका अनुसार बिहीबार छापावाल सुनको मूल्य तोलाको ९२ हजार ४ सय रुपैयाँ कायम भएको हो । भाउ एकै दिन तोलामा ९ सय रुपैयाँ बढेको हो । बुधबार छापावाल सुन तोलाको ९१ हजार ५ सय रुपैयाँ थियो । यसैगरी, तेजावी सुनको भाउ पनि तोलाको ९१ हजार ९ सय ६५ रुपैयाँ पुगेको छ ।

यता, चाँदीको भाउ पनि बढेर तोलाको ९८० रुपैयाँ पुगेको छ । अन्तर्राष्ट्रिय बजारमै भाउ चुलिंदा नेपाली बजारमा सीधा प्रभाव परेको व्यवसायीहरुले बताएका छन् । सुन पूरै आयातमा निर्भर हुने भएकाले अन्तर्राष्ट्रिय बजारमा कायम हुने मूल्यको सीधा प्रभाव पर्छ । यता, स्थानीय बजारमा भने भाउ चुलिंदा कारोबार खासै नभएको व्यवसायीहरुले बताएका छन् ।