भारतले पठाएको ‘कुटनीतिक नोट’ किन लुकायो सरकारले ?

काठमाडौं । लिम्पियाधुरासहितको नक्सा जारी गरेर संसदबाट अनुमोदन भएको नेपालको नयाँ नक्साका विषयमा भारतले औपचारिक रुपमै आपत्ति जनाएको कुटनीतिक नोट सरकारले गुमराहमा राखेको पाइएको छ ।

गएको असार १० गते नै भारतले नेपालको नयाँ नक्साप्रति असन्तुष्टि जनाउदै कुटनीटिक नोट पठाएको थियो । तर सरकारले औपचारिक रुपमा अहिलेसम्म यसबारेमा मुख खोेलेको छैन । परराष्ट्रमन्त्री प्रदीप ज्ञवालीले संसदमा पनि भारतले नेपालको वार्ता प्रस्तावलाई अस्वीकार गरेको मात्रै बताए । तर उनले कुटनीटिक नोटबारे कुनै जानकारी दिएनन् ।

बिहीबार राष्ट्रियसभा अन्तरगतको प्रत्यायोजित व्यवस्थापन तथा सरकारी आश्वासन समितिको बैठकमा सभापति रामनारायण विडारीले यसबारे पहिलोपटक सांसदहरुलाई औपचारिक रुपमा जानकारी गराए ।

भारतले वार्तामा बस्न अस्वीकार गरेपनि कुटनीतिक नोट भने यसअघि नै पठाएको थियो । तर परराष्ट्रमन्त्री प्रदीप ज्ञवालीले भने यसबारे औपचारिक रुपमा अहिलेसम्म जानकारी दिएका छैनन् । भारतले जवाफ नदिएको भन्दै उनले संसद र नेकपाकै स्थायी कमिटी बैठकमा बोलेका छन ।

भारतले कुटनीतिक नोट पठाएपनि सरकारले गुमराहमा राखेको देखिन्छ । जसले बाहिर भारत विरोधी छवि बनाउन खोजेको सरकार भित्रभित्रै बलियो रुपमा प्रस्तुतत भएर सीमा फिर्ताका लागि भारतसँग वार्ता गर्न हच्किएको जस्तो देखिएको छ ।