कर्णाली, गण्डकी र बाग्मतिमा भारी बर्षा, केही ठाउँ डुबानमा

काठमाडौं । मनसुनी वायुका कारण देशका धेरै ठाउँमा पानी परिरहेको छ । गएरातीदेखि परिहेको पानीका कारण धेरै ठाउँमा डुबानमा समेत छन । जल तथा मौसम विज्ञान विभागका अनुसार तीन दिनसम्म अझै धेरै ठाउँमा बर्षाको सम्भावना छ ।

विभागको मौसम पूर्वानुमान महाशाखाका अनुसार कर्णाली, बाग्मति र गण्डकी प्रदेशमा गएरातीदेखि परिरहेको पानी आगामी तीन दिनसम्मै जारी रहनेछ । अविरल बर्षाका कारण बाढी, पहिरो, डुबान र प्राकृतिक विपद निम्तिन सक्ने भएकाले सतर्क रहन पनि विभागले आग्रह गरेको छ ।

आगामी चौबिस घण्टामा धेरै ठाउँमा पानी पर्ने, चट्याङ पर्ने र भारी बर्षा पनि हुने महाशाखाले जनाएको छ । अविरल बर्षाका कारण बाढी, डुबान र पहिरोको खतरा रहेकाले सतर्क रहन पनि महाशाखाका मौसमविदले आग्रह गरेका छन ।