म्यान्चेष्टर युनाइटेडले एस्टन भिल्लालाई हरायो

एजेन्सी । इंग्लिस प्रिमियर लिग फुटबलमा म्यान्चेष्टर युनाइटेडले एस्टन भिल्लालाई हराएको छ । गएराती भएको खेलमा म्यान्युले एस्टन भिल्लालाई ३–० गोल अन्तरले हराएको हो । म्यान्युका लागि फर्नान्डेज, ग्रीनवुड र पउल पोग्बाले गोल गरे ।

जितपछि म्यान्युको ३४ खेलबाट ५८ अंक भएको छ । पछिल्लो समय लगातारको जितपछि युनाइटेड पाँचौ स्थानमा छ । रेलिगेसनमा रहेको एस्टन भिल्ला २७ अंकसहित १९ औ स्थानमा छ ।