सप्तकोसी ब्यारेजका ३८ वटा ढोका खोलियो !

काठमाडौं । लगातारको बर्षाले सप्तकोशी नदीमा पानीको बहाव बढेको छ । शुक्रबार बिहानबाट बढेको पानी खतराको तहसम्म पुगेको प्रहरीले जनाएको छ ।

सप्तकोसी ब्यारेज भएर २ लाख ५६ हजार ६ सय १५ क्युसेक पानी प्रति सेकेन्डका दरले बढिरहेको प्रहरीको भनाई छ । पानीको बहाब बढेपछि ब्यारेजका ३८ ढोकाहरु खोलिएका छन । ५६ ढोकामध्ये अहिले ३८ ढोका खोलेर पानी जान दिइएको छ ।

पानीको बहाब बढेसँगै तल्लो तटीय क्षेत्रका मानिसहरुलाई सुरक्षित रहन भनिएको छ ।