भारतीय टेलिभिजन जी न्यूजले प्रशारण गरेको सामग्रीप्रति फोनिजको ध्यानाकर्षण

काठमाडौं । भारतीय टेलिभिजन जी न्यूजले प्रशारण गरेको प्रधानमन्त्री केपी शर्मा ओली र नेपालका लागि चिनियाँ राजदूत होउ यान्छीसँग सम्बन्धित सामग्री प्रति नेपाल आदिवासी जनजाति पत्रकार महासंघ ‘फोनिज’को गम्भीर ध्यानाकर्षण भएको छ ।

सार्वभौमसत्ता सम्पन्न राष्ट्र नेपालको अस्तित्व र आत्मसम्मानमा गम्भीर आघात पुर्याउने अभिप्रायले भारतीय सञ्चार माध्यमबाट भ्रामक सामग्री प्रसारण भएको र हुँदै आएको ठहर गर्दै फोनिज यस्ता कार्यको भत्र्सना गर्दछ संघका सचिव मिलन लिम्बूद्धारा जारी प्रेस विज्ञप्तिमा उल्लेख गरिएको छ ।

नेपाललाई जोडेर भारतीय सञ्चारमाध्यमबाट हुँदै आएको गलत प्रचार निन्दनीय र आपत्तिजनक छ । पछिल्लो पटक प्रधानमन्त्री ओली र नेपालका लागि चिनियाँ राजदूतसँग सम्बन्धित आक्षेपपूर्ण समाचार प्रशारण हुनु त्यसैको निरन्तरता हो । जुन प्रेसको विश्वव्यापी मान्यता विपरित रहेको छ ।

विज्ञप्तिमा भनएिको छ, दुई देशबीच कूटनीतिक तहबाट समाधान खोजिनुपर्ने धेरै विषय छन् । तर, भारतीय सञ्चारमाध्यमबाट हुँदै आएको यस्ता गतिविधिले दुई देशको सम्बन्धमा सकारात्मक सञ्चार प्रवाह हुन सक्दैन । त्यसैले, यस्ता निन्दनीय गतिविधिको कूटनीतिक माध्यमबाट खण्डन गर्न फोनिज नेपाल सरकारको ध्यानाकर्षण गराउँदछ ।