तनहुँमा सेती नदी बजार पसेपछि दर्जनौ घर डुबानमा

काठमाडौं । तनहुँको सेती नदी गाउँ नजिकै रहेको बजारमा पसेको छ । लगातारको वर्षाले सेती नदी उर्लिएर शुक्लागण्डकी नगरपालिका–४ पुल्चोक बजारमा पसेको स्थानीय बासिन्दाले बताएका छन । नदी नै बजारमा पसेपछि दर्जनौ घर डुबानमा परेका छन ।

बजारमा नदी पसेपछि दुई सय जनालाई सुरक्षित ठाउँमा सारिएको छ । बजारमा रहेका मानिसलाई गाउँतिर सुरक्षित ठाउँमा सारिएको छ । सेती नदीसँगै सुरौंदी खोलाले पनि स्थानीयलाई नोक्सानी पु¥याएको छ । सम्भावित जोखिमको आकलन गरेर नेपाल प्रहरी र नेपाली सेनालाई परिचालन गरिएको छ ।