बल्ल धन्यवाद ! भारतीय न्युज च्यानलको प्रसारण रोक कहिलेसम्म सरकार ?
नेपालबहस संवाददाता
असार २६, २०७७ शनिबार १:४७:३५
काठमाडौं । आफूले गर्नुपर्ने काम विदेशी च्यानल वितरक कम्पनीले गरेकामा उनीहरुलाई सरकारले धन्यवाद दिएको छ । तर भारतीय न्युज च्यानलहरुको प्रसारण कहिलेसम्म रोक्का गर्ने भन्ने कुरा सरकारले खुलाएको छैन । सञ्चार तथा सूचना प्रविधि मन्त्रालयले विदेशी च्यानल वितरण मल्टिसिष्टम अपरेटर (एमएसओ)हरूलाई धन्यवाद दिएको हो ।
शुक्रबार विज्ञप्ति निकालेर मन्त्रालयले उनीहरुलाई धन्यवाद भनेको छ । तर कहिलेसम्म भारतीय न्युज च्यानल प्रसारणको रोक लगाउने भन्ने विषयमा केही बोलेको छैन । अहिले आफ्नो भावनाअनुसार विदेशी च्यानल वितरकले भारतीय च्यानल रोक्ने निर्णय गरेका छन ।
उनीहरुले भोलि कुनैपनि बेला प्रसारण रोकको निर्णय फेर्न सक्छन । तर सरकारले यसबारेमा कुनै पनि निर्देशन दिएको छैन । तर पनि ढिलो गरी सरकारले राष्ट्रिय संवेदनाका विषयमा लापरवाही पूर्ण प्रचार गर्नेलाई प्रसारण रोक लगाएकोमा धन्यवाद मात्रै भनेको छ ।
‘नेपालका मर्यादित संस्था र नेतृत्वलाई लाञ्छना गरी अनर्गल सामग्री प्रसारण गर्ने कतिपय भारतीय सञ्चारमाध्यमहरूको प्रसारणबाट राष्ट्रिय संवेदनामा आँच आउने कुरालाई ध्यानमा राखी नेपालका डिजिटल केवल सेवाप्रदायकहरूले जिम्मेवारी बोधका साथ स्वतस्फूर्त रूपमा प्रसारण रोकेकोमा मन्त्रालय धन्यवाद व्यक्त गर्दछ’ मन्त्रालयले जारी गरेको विज्ञप्तीमा उल्लेख छ ।
केही भारतीय टेलिभिजनले नेपालका प्रधानमन्त्री केपी शर्मा ओली र नेपालका लागि चिनियाँ राजदूत होउ यान्छीको नाम जोडेर समाचार दिएपछि नेपालमा त्यसको चर्को आलोचना भएको थियो । च्यानल प्रसारणमा रोक लगाएपछि केही भारतीय पत्रकारले सामाजिक सञ्जालमा माफी मागेका छन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदेशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार
दैविक प्रकोप उद्वारका सामग्री हस्तान्तरण
चैत १५, २०८० बिहिबार
हवाई टिकटको भ्याट र होटलमा लगाइएको विलासी कर हटाउः महासंघ
चैत १५, २०८० बिहिबार