लायन्स क्लब अफ गल्याङ सिटिद्वारा वृक्षरोपण

◊ भूपराज बस्याल

स्याङ्जा । लायन्स क्लब अफ गल्याङ सिटिले गल्याङ नगरपालिका ३ लल्याङमा रहेको राधाकृष्ण मन्दिरको परिसरमा शनिवार वृक्षरोपण गरेको छ ।

हिन्दु धर्मावलम्बीहरु पिपलु जल खानको लागि गाडी भाडा खर्च गरि राम्दी जानुपर्ने बाध्यता रहेको हुँदा त्यसको अन्त्यको लागि मन्दिर परिसरमा एक सय आठ पिपलुको वृक्षरोपण गरिएको क्लबका अध्यक्ष अर्जुन बस्यालले जानकारी दिए ।

धार्मिक क्षेत्र बिकासको लागि मात्रै नभएर स्वामी, वर लगायत फलफुलका बिरुवा समेत रोपेको बस्यालको भनाइ थियो । बिशेषगरि हिन्दु नारीहरुले सनिवारको दिन पिपलुको जल खाने परम्परा रहिआएको हुँदा त्यस्ता महिलाहरुको सहजताको लागि वृक्षरोपण गरिएको उनको भनाइ थियो ।

क्लबका सस्थापक अध्यक्ष श्याम बस्यालको प्रमुख आतिथ्यमा सम्पन्न उक्त वृक्षरोपण कार्यक्रममा पिपल बाहेक वर दुई, स्वामी दुई र लिची र आप समेत रोपिएको छ । सचिव कृष्ण प्रसाद भट्टराईको संचालनमा भएको कार्यक्रममा उपस्थित सबैले वृक्षरोपण गरेका थिए ।