लागुऔषध मुद्धा मिलाउन प्रहरीलाई डेढ लाख घुस, दुई पक्राउ

काठमाडौं । लागु औषध मुद्दा मिलाउन प्रहरीलाई डेढ लाख घुस दिन खोज्ने दुई जना दाङमा पक्राउ परेका छन । ब्राउन सुगरसहित पक्राउ परेका सागर केसी भन्ने दुर्गाराम खत्रीको मुद्धा मिलाउन प्रहरीलाई घुस दिन खोज्ने गोविन्द शाह र समीर भण्डारीलाई प्रहरीले पक्राउ गरेको हो ।

दुवै जनाले वडा प्रहरी कार्यालय घोराहीका प्रहरी निरीक्षक दिनेश रिमाललाई डेढ लाख रुपैयाँ घुस दिन खोजेका थिए । घुस दिन खोज्ने दुई जनालाई पक्राउ गरी अख्तियार दुरुपयोग अनुसन्धान आयोगको बुटवल कार्यालयमा पठाइएको जिल्ला प्रहरी कार्यालय दाङका डीएसपी सुमित खड्काले जानकारी दिए ।

पछिल्लो समय दाङमा लागुऔषधको कारोबार बढ्दै गएको छ । कारोबारी बढ्दै गएपछि प्रहरीले पनि निगरानी बढाएको छ ।