समाजवादी पार्टीको निर्णय विरुद्ध सरिता गिरीद्धारा सर्वोच्चमा मुद्दा दायर

काठमाडौँ । नेपालको राष्ट्रियता विपरित लागेकी सरिता गिरी आफ्नो सांसद पद पुनर्बहालीको माग गर्दै सवोच्च अदालत पुगेकी छन ।

समाजवादी पार्टीबाट निष्कासनमा परेकी गिरीले आइतबार सर्वोच्च अदालतमा मुद्दा दायर गरकी हुन । समाजवादीको केन्द्रीय समितिले गर्नुपर्ने निर्णय केन्द्रीय कार्यकारिणी कमिटीले गरेर आफ्नो हक अधिकार खोसेको गिरीको आरोप छ ।

गिरीले संघीय संसद प्रतिनिधिसभा, संघीय संसद सचिवालय, निर्वाचन आयोग, तत्कालीन समाजवादी पार्टी, हालको जनता समाजवादी पार्टीको नेतृत्वलाई विपक्षी बनाएर सर्वोच्चमा रिट निवेदन दर्ता गराएकी हुन । पार्टीको निर्णय संवैधानिक नभएको उनको भनाई छ ।

समाजवादी पार्टीको केन्द्रीय कार्यकारिणीको निर्णयअनुसार संघीय संसद प्रतिनिधिसभा सदस्य पदबाट उनी असार २५ गते बिहीबार निष्कासित भएकी थिइन् । पार्टीको ह्वीप उलंघन गरेको भन्दै समाजवादी पार्टीले गिरीलाई सांसद र दलको सदस्यबाट निष्कासित गरेको हो ।