अवैध मृगौला प्रत्यारोपणमा प्रहरीका सई र असई संलग्न !

काठमाडौं । चितवनमा अवैध मिर्गौला प्रत्यारोपणमा प्रहरी पनि संलग्न रहेको पाइएको छ । मृगौला प्रत्यारोपणमा संलग्न गुल्मी रेसुंगा नगरपालिका २ का प्रहरी सहायक निरीक्षक असई भीमप्रसाद ढकाललाई र निलम्बित प्रंहरी नायव निरीक्षक सई योगेन्द्रराज थपलियालाई प्रहरीले पक्राउ गरेर सार्वजनिक गरेको हो ।

थपलिया यसअघि २०७६ साउनमा काभ्रे बाङ्थलीका विष्णु खड्काको भारतमा लगेर मिर्गौला निकाल्न लागिएको घटनामा पनि सलंग्न रहेको प्रहरीको मानव बेचबिखन अनुसन्धान ब्युरोले जनाएको छ ।

चितवनको कलेज अफ मेडिकल साइन्सेज नक्कली कागजात खडा गरी विदेशमा रहेका व्यक्तिको विवरण प्रयोग गरी तेस्रो व्यक्तिको मिर्गौला झिकिएको घटना बाहिरिएको थियो ।

घटनामा डाक्टर, प्रहरी र जनप्रतिनिधि पनि संलग्न छन । उनीहरु १२ जनालाई प्रहरीले पक्राउ गरेर आज सार्वजनिक गरेको हो ।