जाजरकोट पहिरोमा मृत्यु भएका १० जनाको सामुहिक अन्त्येष्टि !

काठमाडौं । जाजरकोटको बारेकोट गाउँपालिका ४ जिरीमा पहिरोमा परी मृत्यु भएका १० जनाको सामुहिक अन्त्येष्टि गरिएको छ । आइतबार उनीहरु सबैको सामुहिक रुपमा अन्त्येष्टि गरिएको हो । गएको बिहीबार राती आएको पहिरोमा परी जिरी सार्कीबाडाका १२ जना पुरिएर बेपत्ता भएका थिए ।

बेपत्तामध्ये १० जनाको शब भेटिएको थियो भने दुई जना अझै बेपत्ता छन । हिजो र अस्ति गरी १० जनाको शब भेटिएकामा उनीहरुको आज सामुहिक अन्त्येष्टि गरिएको प्रहरीले जनाएको छ ।

अविरल बर्षाका कारण बिहीबार राती घर माथिबाट पहिरो आएपछि सार्कीबाडाका दुई घरका १२ जनाको पहिरोमा परी मृत्यु भएको थियो । पहिरोमा बेपत्ता २ जनाको खोजी जारी रहेको प्रहरीले जनाएको छ ।