आर्सनललाई टोटेनह्यामले हरायो

एजेन्सी । इंग्लिस प्रिमियर लिग फुटबलमा टोटनह्यामले आर्सनललाई पराजित गरेको छ । आइतबार राति भएको नर्थ लण्डन डर्बीमा टोटनह्यामले आर्सनललाई २–१ गोल अन्तरले पराजित गरेको हो ।

टोटेनह्यामको जितमा सन ह्युङ मिन र टोबी अल्डेरवेइरेल्डले गोल गरे । आर्सनलका लागि एलेक्सजेन्ड्रे लाकाजेट्ले शुरुवाती गोल गरेपनि त्यो जितका लागि पर्याप्त भएन ।

जितसँगै टोटनह्याम लिगको आठौं स्थानमा उक्लिएको छ । टोटनह्यामले ३५ खेलमा ५२ अंक जोडेको छ । आर्सनल ५० अंकसहित नवौं स्थानमा छ ।