गल्याङ नगरपालिकाका सुचना अधिकारीलाई कारवाहीको माग गर्दै पुनरावेदन गर्न पुगे युवाहरु
नेपालबहस संवाददाता
असार २९, २०७७ सोमबार १९:०:४१
२९ असार, स्याङ्जा । गल्याङ नगरपालिका भित्र भईरहेको अनियमितता र भ्रष्ट्राचारबारे विभिन्न संचारमाध्यममा समाचार आए लगत्तै यर्थाथ विवरणको माग गर्दै सूचना अधिकारीसँग पुगेका युवालाई नगरपालिकाले सुचना उपलब्ध गराउन आनाकानी गरेको छ । सूचना अधिकारीले माग गरिएको विवरण दिन अटेर गरेपछि युवाहरुले नगरपालिकाका प्रमुख प्रशासकीय अधिकृत ईश्वरीप्रसाद पाण्डेसँग भेटी पुनरावेदन गर्दै समयमै सूचना उपलब्ध नगराउने सूचना अधिकारीलाई कारवाहीको गरेका छन् ।
गल्याङ नगरपालिका बारे विभिन्न संचारमाध्यममा आएका भ्रष्ट्राचार र अनियमितता सम्बन्धि समाचारका सूचना माग्दै गत असार ११ गते सूचना अधिकारी दशरथ उपाध्यायलाई सूचनाको हक प्रयोग गरि सूचना मागेका थियौं, सूचना अधिकारीले पन्ध्र दिन भित्रसम्म सूचना उपलब्ध गराउन नसकेपछि अठारौं दिन आइतबार प्रमुख प्रशासकीयलाई अर्को निवेदन दिएको पत्रकार भूपराज बस्यालले जानकारी दिए । हामी चारजना युवाको हस्ताक्षरमा सूचना माग गरेका थियौ, समयमा सूचना उपलब्ध नभएपछि थप प्रक्रिया अगाडि बढाएको उनको भनाई छ । हाम्रो निवेदन बुझ्दै प्रमुख प्रशासकीयले सात दिन भित्र सूचना उपलब्ध गराउने जानकारी दिएको पनि उनले नेपालबहस डटकमलाई बताए ।
राष्ट्रिय सूचना आयोगलाई बोधार्थ गरिएको पत्रमा पत्रकार भूपराज बस्याल , खगेन्द्र भण्डारी , ऋषि बस्याल र प्रकाश भुसालले सयुक्त रुपमा हस्ताक्षर गरेको उक्त पत्रमा प्रमुुख प्रशासकिय अधिकृतलाई सम्बोधन गर्दै समयमै सूचना उपलब्ध नगराउने सूचना अधिकारीलाई कारबाहीको माग गर्दै समयमै सूचना उपलब्ध गराउन माग गरिएको छ । युवाहरुले माग गरेको विवरणमा आर्थिक वर्ष २०७६/०७७ को माघ, फागुन, चैत्र र वैशाख महिनामा यस कार्यालयबाट भुक्तानी गरिएका रकमको विवरण, पुँजीगत र चालु दुवै खाताको कसलाई कति रकम भुक्तानी गरियो ? कुन शिर्षकको प्रयोजन वा कामलाई भुक्तानी गरिएको हो ? प्रत्येक निकासाको विवरण खुल्ने स्पष्ट विवरणहरु माग गरिएको छ ।
त्यस्तै आर्थिक वर्ष २०७६/०७७ मा यो निवेदन पेश भएको दिनसम्मका कार्यपालिका तथा वोर्ड वैठकका प्रमाणित प्रतिलिपि मागिएको छ । यसैगरि नगरपालिका कार्यालयले भाडामा सन्चालन गरेको लु १ च ९६७७ नंवरको जीप भाडामा सन्चालन गर्न गरेको निर्णय, गाडी मालिकसँगको सम्झौता र हालसम्म भुत्तानी गरिएको रकमको प्रमाणित विवरण माग गरिएको छ । आर्थिक वर्ष २०७६/०७७ मा कोरोना संक्रमणको खतरालाई रोक्न सरकारले गरेको लकडाउनमा प्रभावितलाई वितरण गर्न खरिद गरेको राहत सामाग्री के कति परिमाणमा खरिद गरिएको हो यसको खरिद प्रक्रिया र भुक्तानी प्रक्रियाको प्रमाणित प्रतिलिपि पनि मागिएको छ ।
आर्थिक वर्ष २०७५/०७६ मा नगरलाई मसला जोन बनाउने नारा लिएर मसलावाली अन्तर्गत अदुवा सम्बन्धि अदुवा खरिद प्रक्रियामा गरिएको मूल्य निर्धारण, टेण्डर प्रक्रिया, बिल भुक्तानी प्रक्रियाको प्रमाणित प्रतिलिपिका साथै खरिद गरिएको अदुवा कहाँ वितरण गरियो ? अदुवा प्राप्त गर्ने कृषकको नाम र कति परिमाण अदुवा प्राप्त गरेको हो सो को सम्पूर्ण विवरणको उपलब्ध गराउन माग गरिएको छ ।
त्यस्तै आर्थिक बर्ष ०७५/७६ मा प्रधानमन्त्री आधुुनिक कृषि परियोजना कार्यक्रमको मौरी ब्लक निर्माण कार्यक्रम अन्तरगत वितरण गरिएको मौरी घारको खरिद प्रक्रियादेखि वितरणसम्मको विवरण तथा आर्थिक बर्ष ०७५/७६ मा प्रधानमन्त्री आधुुनिक कृषि परियोजना कार्यक्रम अन्तरगत किसानहरुको लागि भनि अनुुदानमा वितरण गरिएको हाते ट्याक्टरको खरिद प्रक्रियादेखि वितरणसम्मको विवरण र दुुधको सेतो शहर निर्माण कार्यक्रमको हालसम्मको विवरण माग गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपोखरामा सवारी दुर्घटना हुँदा पोखरामा ८ चिनियाँ घाइते
बैशाख ६, २०८१ बिहिबार
गण्डकीमा सर्वोच्चको आदेश नटेर्ने एमालेको रणनीति
बैशाख ५, २०८१ बुधबार
गण्डकी प्रदेश प्रमुख भट्टले वैशाख ७ मा बोलाए अधिवेशन
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार