सिटीको प्रतिबन्ध फुकुवा, च्याम्पियन्स लिग खेल्ने

एजेन्सी । इंग्लिस क्लब म्यान्चेष्टर सिटीमाथिको प्रतिबन्ध फुकुवा भएको छ । युरोपेली फुटबलको सर्वोच्च संस्था यूईएफएले दुई वर्षे युरोपेली प्रतियोगितामा सहभागी हुन नपाउने गरि सिटीमाथि लगाएको प्रतिबन्ध फुकुवा गरेको हो ।

यूईएफएको क्लब लाइसेन्सिङ तथा फाइनान्सियल फेयर प्लेको नियमको गम्भीर उल्लङ्घन गरेको भन्दै यूईएफएले सिटीमाथि दुई बर्ष प्रतिबन्ध लगाएको थियो । तर सिटीले यो निर्णयविरुद्ध अपील गरेको थियो ।

सिटीको अपीलको सुनुवाई गर्दै युईएफएले प्रतिबन्ध फुकुवा गर्ने निर्णय गरेको हो । यससँगै अब सिटीले अर्को सिजन पनि च्याम्पियन्स लिग खेल्न पाउने भएको छ । यसै सिजन सिटीले च्याम्पियन्स लिगको दोस्रो लेगमा घरेलु मैदानमा रियल मड्रिडको सामना गर्दैछ ।