नक्कली अयोध्या खडा गरेर भारतले सांस्कृतिक आक्रमण गर्‍यो : ओली

काठमाडौं । प्रधानमन्त्री केपी शर्मा ओलीले भारतले भगवान राम नेपालमै जन्मेको दाबी गरेका छन । भारतले ‘नक्कली अयोध्या’ खडा गरेर नेपालको साँस्कृतिक तथ्यमाथि अतिक्रमण गरेको भन्दै राम नेपालकै विरगञ्ज जिल्लामा पर्ने ठोरीमा जन्मिएको दाबी गरेका छन ।

भानु जयन्तीका अवसरमा प्रधानमन्त्री निवासमा भएको कार्यक्रममा ओलीले भारतको सांस्कृतिक आक्रमण अति भएको टिप्पणी गरे । ‘हामी अहिले पनि ठानिरहेका छौ‌ं, हामीले ‘सीता’ भारतका राजकुमार रामलाई दियौं । भारतका होइन, अयोध्या रामलाई दिएका हौं हामीले । अयोध्या भनेको वीरगञ्ज भन्दा पश्चिमपट्टीको गाउँ हो’ उनले भने ।

अयोध्या ठोरीमै भएको तर्क गर्दै प्रधानमन्त्री ओलीले भने ‘रामले सीतालाई अहिले भनिँदै आएको अयोध्याबाट त्यत्रो दिन लगाएर वाल्मिकी आश्रममा छोडेको होइन । जंगलमा यसो परतिर लगेर छोडिदिनु भनेको ठाउँमा लक्ष्मण भाउजु लिएर महिनौं हराएका होइनन् । खुर्रर वाल्मिकी आश्रम पुर्‍याइदिए, फर्किए ।’

आफूले यसो भन्दै गर्दा विज्ञहरुबाट आक्रमण हुने पनि प्रधानमन्त्री ओलीको दाबी छ । प्रधानमन्त्री ओली बेला बेला यस्तै बोलीले विवादमा पर्दै आएका छन ।