पहिरोले घर गोठ पुरिदा ५ बाख्रा मरे, साढे ४ लाख क्षति

स्याङजा । पहिरोले घरगोठ पुरिदा स्याङ्जाको विरुवा गाउँपालिका ६ का साजन रानाले पालेका ५ वटा बाख्रा मरेका छन । घरमाथिबाट खसेको पहिरोले पुरिदा ५ वटा बाख्रा मरेका र ६ वटाको उद्धार गरिएको छ ।

बर्षाले राती झण्डै १२ बजेतिर पहिरो आएर घरगोठ पुरिएको थियो । राई गएराती भाईको घरमा सुतेका बेला मानवीय क्षति हुन पाएन । आमा बुवा बितिसकेकाले दुई दाजुभाईले अलग अलग घर लगाएर बसेका थिए ।

तर गएराती पहिरो जानुपूर्व उनीहरुको परिवार भाईको घरमा बसेका थिए । नभन्दै मध्यराती पहिरो गएपछि रानाको घरगोठ पुरिएको हो । राती नै गाउँले मिलेर ६ बाख्रा पहिरोबाट निकाल्न सफल भएका थिए । तर ५ वटा बाख्रा भने मरेका रानाले बताए ।

मरेका बाख्रालाई आज बिहान खाल्डो खनेर गाडिएको छ । स्थानीय प्रहरी चौकीले बिहान घटनास्थलमै पुगेर मुलूल्का उठाएको छ । घरगोठ, बाख्रा, घरमा रहेका ल्यापटप, टेलिभिजन पुरिदा साढे ४ लाखको क्षति भएको रानाले बताए ।