कर्णालीका कांग्रेस सांसद शाहीलाई कोरोना संक्रमण पुष्टि

सुर्खेत । कर्णाली प्रदेशका कांग्रेस सांसद जीवन शाहीलाई कोरोना संक्रमण पुष्टि भएको छ । कर्णाली प्रदेशसभामा प्रमुख प्रतिपक्षी नेपाली कांग्रेस संसदीय दलका नेता समेत रहेका शाहीलाई कोरोना संक्रमण पुष्टि भएको कर्णाली प्रदेशका सामाजिक विकास मत्रालयले जनाएको छ ।

सोमबार साँझ गरिएको पीसीआर परीक्षणमा शाहीको रिर्पोट पोजेटिभ आएको हो । कोरोना देखिएपछि सांसद शाहीलाई आइसोलेसनमा राखिएको छ । उनको सम्पर्कमा रहेका नेता, सांसद, पत्रकार, कार्यकर्ताको पनि परीक्षण शुरु गरिएको छ ।