नेपालमा संक्रमितको संख्या १७ हजार नाघ्यो

काठमाडौं । नेपालमा मंगलबार १ सय १६ जना कोरोना भाइरस संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्।

यीसहित मुलुकभर कुल संक्रमितको संख्या १७ हजार ६१ पुगेको छ। त्यस्तै २४ घण्टामा कोरोनाका ३४ संक्रमित विभिन्न अस्पतालबाट डिस्चार्ज भएका छन्।

मन्त्रालयका अनुसार यीसहित हालसम्म १० हजार ३ सय २८ जना कोरोनाबाट निको भएका छन्। ३८ जना मृतकमा कोरोना देखिएको छ। हालसम्म २ लाख ९३ हजार ७३९ जनाको पीसीआर परीक्षण भएको छ।