कोरोना, कृषि क्षेत्रको अवस्था र सम्भाव्यता
नेपालबहस संवाददाता
असार ३०, २०७७ बुधबार १:०:३८
डिसेम्बर २०१९, चीनको वुहानबाट सुरु भएको कोरोना भाईरसको संक्रमणबाट कोही पनि अछुतो रहन सकेनन् । न कुनै क्षेत्र, न कुनै सम्प्रदाय, न कुनै जात, न कुनै धर्म ! अझ यसको असर दिन दुई गुणा रात चौगुणा बढ्दै गएको छ । विश्वव्यापी रूपमा फैलिएको कोरोना भाइरस (कोभिड १९) को सङ्क्रमणबाट हालसम्म विश्वका करिब पौने ५ लाख मानिसहरुले ज्यान गुमाईसकेका छन् भने लगभग ९० लाख जनसङ्ख्या यसको सिकार भईसकेका छन्।
विश्वका शक्तिशाली र विकसित राष्ट्रमा समेत यसको संक्रमण द्रुत गतिमा फैलिरहेको छ र आगामी दिनमा यो महामारीले कस्तो रुप लिने हो भन्ने झन् बढी चिन्ताको विषय बनेको छ । मानिसहरूको दैनिकी अस्तव्यस्त भएको छ । विश्वका अधिकांश मुलुकको आर्थिक वृद्धिदरमा भारी गिरावट आउन सक्ने चेतावनी विश्व वैंकले दिइसकेको छ । यो अवस्थाबाट नेपाल पनि अछुतो भने पक्कै रहने छैन । एक कृषि प्रधान देश, यसै त आर्थिक क्षेत्र पछाडि रहेको अवस्थामा यो महामारीको असर प्रत्यक्ष रूपमा परिरहँदा देशको आर्थिक ह्रासले देश १० वर्ष पछाडि धकेलिने निश्चित प्रायः छ ।
नेपाली अर्थतन्त्रको अधार स्तम्भका रूपमा रहेका कृषि, पशुपालन, पर्यटन, व्यापार, उद्योग लगायतका क्षेत्र प्रत्यक्ष रुपमा प्रभावित भएका छन् । यो सँगै शैक्षिक क्षेत्र, यातायात, हवाई उडान पनि पुर्ण रुपमा ठप्प छन् । मुलुक विगत ३ महिनादेखि बन्दाबन्दीको अवस्थामा छ । ज्याला मजदुरी गरेर छाक टार्ने आम जनसमुदायलाई कोरोनाको भन्दा पनि भोकमरीको डर बढ्दै गएको छ । यो महामारीले हाम्रो जस्तो विकासोन्मुख मुलुकमा अझ कस्तो विकराल रुप लिने हो, कसैले अनुमानसम्म लगाउन सकेका छैनन् ।
एक त महामारीको चिन्ता अर्को वैदेशिक रोजगारीबाट फर्केका युवालाई स्वदेशमा स्थापित गर्नु, मुलुकमा रहेका युवा जनशक्तिलाई रोजगारीमा संलग्न गराउनु , अस्ताएको पर्यटन व्यवसायमा नवकिरण छर्नु, तथा अन्य उद्योग, व्यापार, शैक्षिक क्षेत्रलाई पूर्ण रूपमा चलाएमान बनाउन निकै चुनौतीपूर्ण रहेको छ । त्यसै गरी कृषि क्षेत्रमा यसको प्रत्यक्ष असर परेको छ । उत्पादित खाधान्न वस्तु, तरकारी, फलफूलको उपयुक्त बजार नहुनु, लागत अनुसारको मूल्य कायम नहुनु जस्ता समस्याले गर्दा एकातिर उत्पादित वस्तु खेर गइरहेको छ भने अर्कोतर्फ उपभोक्ताहरू महँगीको चपेटामा परेका छन् ।
यस्तो अवस्थामा सरकारद्वारा “कृषि मुलश्च जीवनमः” भन्ने कुरालाई आत्मसात गर्दै कृषि र पशुपालन क्षेत्रका लागि निम्न लिखित विशेष कार्यक्रम तथा योजनाहरू ल्याउनु पर्ने देखिन्छ ।
१.योजना तथा बजेटमा कृषिलाई विशेष प्राथमिकतामा राख्ने ।
२.कृषियोग्य भूमिलाई पूर्णरूपमा उपयोग गर्ने सम्बन्धी नीति ल्याउने ।
३.कृषिलाई आधुनिकीकरण र विविधीकरण गर्ने ।
४.कृषि औजारको मुख्य उपजको रूपमा रहेको बिउविजन तथा रासायनिक मललाई सहजीकरण गर्ने ।
५. पशुपालनका लागि सुलभ दरमा सहज तरिकाले ऋणको ब्यवस्था मिलाउने ।
६. पशुपालन र व्यवस्थापनका लागि आवश्यक पर्ने सामाग्री, उपचारका लागि चाहिने औषधि, भ्याक्सिन आदि सर्वसुलभ तरिकाले सहज गर्ने ।
७.पशुपालनका लागि आवश्यक घाँसको बिउविजन सहज बनाउने ।
८.कृषि कर्जालाई सहुलियत ब्याजदरमा उपलब्ध गराउन वित्तीय संस्थासँग सम्झौता गर्ने ।
९.विद्यालय तथा विश्वविद्यालय स्तरमा कृषि प्राविधिक शिक्षालाई अनिवार्य गर्ने ।
१०.रासायनिक मल (युरिया, डिएपी, पोटास) लाई स्वदेशमै उत्पादन गर्न लगानी मैत्री वातावरण निर्माण गर्ने ।
११. कृषि बाली र पशु बीमालाई अनिवार्य गर्ने ।
मुलुकमा कोभिड १९ को प्रभावले गर्दा निकट भविष्यमा खाद्य संकटको अवस्था अउनसक्ने प्रवल सम्भावना रहेको छ । विगत वर्षको तथ्याङ्क हेर्दा करिब ७१ अर्बको खाद्यान्न नेपाल भित्रिएको छ, भने बिउविजन तथा मल समेत भारत, बङ्गलादेश, भुटान जस्ता मुलुकबाट आयात गर्नुपर्ने अवस्था छ । समयमा नै कृषि क्षेत्रलाई थप प्रभावकारी बनाउन आवश्यक नीति कार्यक्रम तर्जुमा गरि मानिसलाई कृषि र पशुपालनतर्फ आकर्षित गर्न सकेमा मात्रै यो अवस्थालाई केही न्यूनीकरण गर्न सकिने छ ।
रासायनिक मलको उद्योग स्वदेशमा स्थापना गर्न सकेमा ठुलो सङ्ख्यामा रोजगारी सिर्जना हुनुको साथै ठुलो रकम बाहिरिने समस्यासमेत हल हुन सक्छ । यस्ता कृषि सामग्री (विउविजन तथा मल) लाई सर्वसुलभ र सुपथ मूल्यमा उपलब्ध गराउन सकेमा कृषि उत्पादनमा वृद्धि भई मुलुक कृषिमा आत्मनिर्भर हुनुका साथै अर्थतन्त्रमा समेत योगदान हुन सक्छ ।
करिब ८० प्रतिशत जनसंख्या कृषिमा निर्भर रहेको हाम्रो देशमा कृषि कै माध्यमबाट आर्थिक क्षेत्रमा फड्को मार्न सकिने सम्भावनालाई जीवित राखि कृषकको मनोवल उच्च राख्ने कार्यमा सरकार, सरोकारवाला र अन्य संघसंस्था अग्रसर भएर आधुनिक र व्यवसायिक कृषिका लागि हातेमालो गर्न सकेमा नेपाली अर्थतन्त्रमा उल्लेख्य टेवा पुग्न सक्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
युएईसँग हारेसँगै नेपाल एशिया कपमा छनौट हुन असफल
बैशाख ७, २०८१ शुक्रबार
मुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार
सडक बालबालिकाः पहिचान पाउन अझै पनि कठिन
बैशाख ८, २०८१ शनिबार
भेरी नदी माथि बनेको पुल र आसपासको दृश्य
बैशाख ८, २०८१ शनिबार
हामीलाई कसैले कमजोर ठान्ने देशमा फेरी अर्को उथलपुथल हुन्छ : माधव नेपाल
बैशाख ८, २०८१ शनिबार
गर्मीमा छिटै तौल घटाउन चाहनुहुन्छ ? दैनिक खाली पेटमा सौंफको पानी पिउनुहोस्
बैशाख ८, २०८१ शनिबार