प्रकोप व्यवस्थापन कोषमा अमेरिकामा रहेका अर्यालले गरे १० हजार सहयोग

◊ चुत्र महत

भीरकोट । कोरोना भाइरस ‘कोभिड-१९’ र दैविक प्रकोपका कारण प्रभावित भीरकोटवासीहरुको लागि राहत होस भनी विभिन्न संघसस्थाहरुले राहत रकम दिने क्रम जारी रहेको छ ।

कोभिड १९ को रोकथाम र व्यवस्थापनको लागी भीरकोट नगरपालिकाको प्रकोप व्यवस्थापन कोषमा जम्मा हुने गरी भीरकोट नगरपालिका वडा नं. ५ निवासी हाल कामको शिलशिलामा अमेरीका रहेका कृष्ण प्रसाद अर्यालले डबल प्रसाद अर्याल मार्फत रु १० हजार नगर प्रमुख छायाराम खनाललाई प्रदान गरेका छन् ।

भीरकोट नगरपालिकाको राहत प्रकोप व्यवस्थापन कोषमा जम्मा हुने रकम वुझ्दै प्रमुख खनालले कोभिड १९ र विभिन्न खाले विप्दवाट अति प्रभावित भीरकोटवासीको समस्यालाई नगरपालिका एकले मात्र सामाधान गर्न नसक्ने हुदाँ अन्य संघ सस्था र मनकारी व्यक्तिहरुले आफु सक्दाे सहयोग गर्नुपर्ने भन्दै अबको चरणको राहत वितरण कार्यलाई रोजगारी सँन्ग जोड्ने बताए ।

हाल सम्म भीरकोट नगरपालिकाको प्रकोप व्यवस्थापन कोषमा जिन्सी र रकम प्रदान गर्नुहुने संघ सस्था र मनकारी महानुभावहरुलाई प्रमुख खनालले धन्यवाद व्यक्त गरे ।  नगरपालिकाले ४ वटा निजि विद्यालयमा १ सय जना क्षमताको क्वारेन्टाइन निर्माण गरी तयारी अवस्थामा रहेको र अहिले ४४ जनालाई क्वारेन्टाइनमा राखेको र कालिका सामुदायिक अस्पतालमा ६० शैयाको आइसोलेसन निर्माण गरी अहिले १६ जना कोरोना संक्रमित रहेका छन् । कोभिड १९ का बिरामीलाई आइसोलेसनमा राखी उपचार भइरहेको छ भने निको भएर जाने र संक्रमितभई आउने क्रम जारी रहेको प्रमुख खनालले वताए ।

हालसम्म भीरकोट नगरपालिकाको प्रकोप व्यवस्थापन कोषमा खाद्यान्न र नगद गरी ३७ लाख ४३ हजार ३ सय ४५ रुपैया जम्मा भएको नगर प्रवत्ता दिपेन्द्र केसीले बताए । लकडाउनको अवधिमा भीरकोट जन्मथलो भएतापनि कामको शिलशिलमा देश तथा विदेशमा कार्यरत भीरकोटवासीहरुसँग भिडियो कन्फ्रेस मार्फत कोभिड सम्वन्धी कुराको प्रभाववाट अहिलेसम्म झण्डै ७ लाख भीरकोट नगरपालिकाको प्रकोप व्यवस्थापन कोषमा रकम जम्मा भएको भन्दै लकडाउनबाट प्रभावित भीरकोटवासीलाई सहयोग गर्न चाहनेले मेगा बैंक लिमिटेड बयरघारीमा रहेको नगरपालिकाको प्रकोप व्यवस्थापन कोष नामको खातामा रकम जम्मा गरी भौचर नगरपालिकामा ल्याउनको लागी प्रवत्ता केसीले अनुराेध गरे ।