बाढी तथा पहिरो पीडितलाई राहत दिन कांग्रेस बीपीको माग

काठमाडौं । नेपाली कांग्रेस बीपीले बाढी तथा पहिरोका कारण विस्थापित भएकालाई तत्काल स्थानान्तरण गर्न माग गरेको छ । नेपाली कांग्रेस बीपीका महामन्त्री शुशीलमान शेरचनले विज्ञप्ती निकालेर बाढी तथा पहिरो प्रभावित र विस्थापित भएकालाई तत्काल स्थानान्तरण गर्न माग गरेका हुन ।

उनले विगत बर्षझै यस बर्ष पनि लगायत प्राकृतिक विपदबाट संयौको ज्यान गएपनि उनीहरुको उद्धार, राहत तथा व्यवस्थापनमा सरकारले बेवास्ता गरेको बताए । सत्तारुढ नेकपा जनताको दुःखमा साथ दिनेभन्दा आन्तरिक किचलोमा फसेको भन्दै कांग्रेस बीपीले जनताको जीवनमाथि खेलबाड नगर्न समेत सरकारलाई चेतावनी दिएको छ ।

बाढी तथा पहिरो लगायतका प्राकृतिक विपद्को तयारी पहिलेदेखि गर्नुको साटो अन्तिम समयमा आएर गर्नुको तुक नभएको पनि कांग्रेस बीपीका महामन्त्री शेरचनको भनाई छ । साथै उनले बाढी तथा पहिरोमा परेर ज्यान गुमाएका परिवारलाई क्षतिपूर्ति, घाइतेको निःशुल्क उपचार र प्रभावितलाई राहत दिन पनि सरकारसँग माग गरेका छन ।