बहिनी भन्दै वडाध्यक्षले तीन बर्षदेखि बलात्कार गरिरहेको आरोप !

कालिकोट । खाडाचक्र नगरपालिकाका ६ का वडाध्यक्ष जगधीश शाहीले १६ वर्षीया किशोरीमाथि तीन बर्षदेखि बलात्कार गरिरहेको खुलेको छ । पीडित किशोरीले आफूलाई वडाध्यक्षले तीन बर्षदेखि बलात्कार गरिहेको आरोप लगाएकी हुन ।

किशोरीको आरोपपछि प्रहरीले वडाध्यक्ष शाहीलाई पक्राउ गरेर अनुसन्धान शुरु गरेको छ । शुरुमा बहिनी भन्दै दुव्र्यवहार गर्न शुरु गरेका वडाध्यक्षले घरमै पुगेर बलात्कार गर्ने गरेको खुलेको छ । स्कुल जाँदा आउँदा पनि वडाध्यक्ष शाहीले आफ्नै घरभित्र लगेर बलात्कार गर्ने गरेको खुलेको हो ।

पछि वडाध्यक्षले अरुलाई भनेर मारिदिने धम्की दिएर किशोरीमाथि बलात्कार गरेको पाइएको छ । तर पक्राउ परेका वडाध्यक्षले भने आरोप अस्वीकार गर्दै आएका छन ।