प्रधानमन्त्री पदबाट तत्काल राजीनामा दिन ओलीलाई प्रचण्ड-माधवको दवाव

१ साउन, काठमाडौं । प्रधानमन्त्री केपी शर्मा ओलीलाई नेकपाका अध्यक्ष प्रचण्ड र बरिष्ठ नेता माधव नेपालले राजीनामा दिन दबाब दिएका छन । बालुवाटारमा आज भएको तीन नेताको भेटमा प्रचण्ड र माधव नेपालले तत्काल राजीनामा दिन ओलीलाई दोहो¥याएर दबाब दिएका हुन् ।

भोलिको स्थायी कमिटी बैठक बस्ने वातावरण बनाउन तीन नेताबीच वार्ता हुँदा ओलीलाई राजीनामा दिन दुई नेताले पहिलो शर्त बनाएका छन । स्थायी कमिटी बैठकको पहिलो म्यान्डेड राजीनामा भएकाले तत्काल राजीनामा दिन प्रचण्ड र माधव नेपालले ओलीलाई दबाब दिएका हुन ।

तर प्रधानमन्त्री ओलीले कुनै हालतमा राजीनामा नदिने बताएका छन । यसअघि पनि ओली र प्रचण्डबीच थुप्रैपटक वार्ता भएपनि सहमति निस्केको थिएन । राजीनामालाई मुख्य बटमलाईन बनाएकै कारण नेताहरुबीच वार्तामा सहमति नभएको हो ।