बाढीपहिरोले विद्युत् क्षेत्रमा एक करोड क्षति, चार सय घरधुरी अन्धकारमा
नेपालबहस संवाददाता
साउन १, २०७७ शुक्रबार २:२७:३६
१ साउन, तनहुँ । गत आइतबार अविरल वर्षापछि आएको बाढी पहिरोले तनहुँको विद्युत् क्षेत्रमा करिब रु एक करोड मूल्य बराबरको क्षति भएको विद्युत् प्राधिकरण कार्यालय तनहुँले जनाएको छ । जिल्लाका विभिन्न क्षेत्रमा गएको पहिरोका कारण विद्युत् पोल बगाउने र ढाल्ने गरेकाले ठूलो क्षति भएको हो ।
बाढी पहिरोका कारण तनहुँमा विद्युत् क्षेत्रमा रु एक करोड बराबरको क्षति भएको अनुमान गरिएको विद्युत् प्राधिकरण कार्यालय तनहुँका प्रमुख कपिलराज पाण्डेले बताए । “विद्युत्का पोल बगाएका र ढालिएका कारण अधिकांश क्षेत्रका विद्युत् लाइन काटिएको छ”, उनले भने “विद्युत् खपत गराउन नसक्दा कार्यालयलाई नोक्सान भएको छ भने कयौँ उपभोक्ताहरु अन्धकारमय जीवन बिताउन बाध्य छन् ।” जिल्लाको थर्पु नोलाइटका ३०० र दमौली नोलाइटबाट वितरण गरिएका १०० गरी करिब चार सय घरधुरीका बासिन्दा अन्धकारमा बस्न बाध्य भएका छन् ।
म्याग्दे गाउँपालिका, ऋषिङ गाउँपालिका र व्यास नगरपालिका गरी करिब ७५ वटाभन्दा बढी विद्युत्का पोल ढाल्ने र बगाउने गरेपछि ती घरपरिवार अन्धकारमा बस्नु परेको थर्पु नोलाइटका इञ्चार्ज दीपक वाग्लेले जानकारी दिए । विद्युत् अवरुद्ध हुँदा म्याग्दे गाउँपालिकाका धेरै बासिन्दा प्रभावित बनेको उनले बताए। “पृथ्वीराजमार्ग क्षेत्रका दश वटा पोल ढलेका छन्”, उनले भने “म्याग्दे गाउँपालिका क्षेत्रमा मात्रै ११ केभी क्षमताको मुख्य लाइनको १४ र शाखा लाइनको १९ वटा पोल ढलेपछि विद्युत् अवरुद्ध भएको हो ।”
पहिरोका कारण ग्रामीण क्षेत्रका सडकमा समेत क्षति पुगेपछि विद्युत् पोल ढुवानी गर्न कठिनाइ भएको छ । उनले भने “प्राविधिक कठिनाइका कारण काम गर्न गाह्रो भएको हो ।” अधिकांश क्षेत्रमा पोल गाड्ने स्थानमै पहिरो गएको र पानी परिरहेका कारणले पनि विद्युत् मर्मतका कार्य गर्न नसकिएको उनले बताए ।
बाढी पहिरोका कारण म्याग्देको तुरतुरे क्षेत्रमा विद्युत् अवरुद्ध हुनुका साथै खेत सिँचाइका लागि प्रयोग गरिएको सात वटा मिटर बाढीले बगाइदिएपछि त्यसक्षेत्रका बासिन्दाले पटक पटक फोन गरेर सताउन थालेको उनले जानकारी दिए । त्यसैगरी दमौली एरिया क्षेत्रको ११ केभी क्षमताको मुख्य र शाखा लाइनका गरी ६० वटा पोल बाढीपहिरो ढाल्ने र बगाउने गर्नाले जिल्लाको ऋषिङ गाउँपालिका र व्यास नगरपालिका क्षेत्रमा विद्युत् अवरुद्ध बनेको छ ।
पृथ्वीराजमार्ग क्षेत्र वरिपरि रहेका कतिपय क्षेत्रमा नै विद्युत् बल्न नसकेपछि समस्या भएको छ । व्यास नगरपालिका भित्रमा पोल गाड्नुपर्ने बाहेकका अन्य सानातिना काम गरी विद्युत् सुचारु गरिसकिएको दमौली एरिया इञ्चार्ज राजमोहन तिवारीले बताए। स–साना समस्याले रोकिएका स्थानमा तत्कालै गएर विद्युत् सुचारु गरिएको छ । उनले भने“पोल गाड्ने र पोल ढुवानी गर्नुपर्ने क्षेत्रमा प्राविधिक समस्याका कारण विद्युत् सुचारु गर्न समय लाग्ने देखिएको छ ।”
जिल्लाको ऋषिङ गाउँपालिकामा वितरण गरिएको विद्युत्को टान्समिटर बुल्दीखोलाले ढालेपछि ऋषिङ गाउँपालिकाका बासिन्दा प्रभावित भएका छन् । तनहुँका मुख्यमुख्य क्षेत्रमा केही समय अघिमात्रै छुट्टै फिडर लाइन जडान गरिएकाले दुई÷चार वटा पोल ढल्दैमा अन्धकारमा बस्नुपर्ने समस्याको अन्त्य भएको उनले बताए ।
“फिडर लाइनले दीर्घकालीन समयका लागि समाधान नगरे पनि करिब चार÷पाँच दिन धान्नसक्छ”, उनले भने “उक्त अवधिभित्र अवरुद्ध विद्युत् मर्मत सम्भार गरी सुचारु गर्न सकिनेछ ।” जिल्लाको कुनै क्षेत्रमा पोल ढल्यो भने विद्युत् अवरुद्ध भई त्यसको असर सबै क्षेत्रमा पर्न जाने हुँदा केही दिनअघि मात्रै दमौलीलगायतका मुख्य क्षेत्रमा छुट्टै फिडर जडान गरिएको उनले जानकारी दिए
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार