धरानमा एक संक्रमितको मृत्यु, कोरोना मृत्तकको संख्या ४० पुग्यो !

◊ धीरुभाइ

२ साउन, सप्तरी । कोरोना भाइरस संक्रमणबाट राजविराज नगरपालिका ६ निवासी एक प्रतिष्ठित व्यवसायी पुरुषको मृत्यु भएको छ । सप्तरीमा पहिलो व्यक्तिको कोरोनाबाट मृत्यु भएको हो ।

धरान स्थित बीपी कोइराला स्वास्थ्य विज्ञान प्रतिष्ठानमा उपचारको क्रममा उनको मृत्यु भएको स्वास्थ्य कार्यालय सप्तरीका निमित प्रमुख दुनियालाल यादवले बताए ।

७३ वर्षीय वृद्धको गत बुधबार बीपी कोइराला अस्पतालमा भर्ना गरिएको र सोही दिन स्वाब संकलन गरिएको थियो । बिहीबार कोरोना रिपोर्ट पोजेटिभ आएपछि आइसोलेशनमा भर्ना गरिएको थियो । भर्नाको केही समयपछि उनको मृत्यु भएको बताइएको छ ।

लामो समयदेखि उनी मधुमेह, उच्च रक्तचाप र मुटु रोगबाट बिरामी पीडित हुन्थ्यो । मृतकको शव ल्याएर सप्तकोसीमा व्यवस्थापन गरिने बारे जिल्ला संकट व्यवस्थापन समितिसँग छलफल भइरहेको स्वास्थ्य कार्यालयका निमित प्रमुख यादवले बताए । यससँगै नेपालमा कोरोनाबाट मृतकको संख्या ४० पुगेको छ