क्वारेन्टाइनमा बसेका युवाद्धारा आत्महत्या !

२ साउन, बेशीशहर । लमजुङका २३ बर्षीय युवकले क्वारेन्टाइनमै आत्महत्या गरेका छन । क्व्होलासोथार गाउँपालिका–६ पसगाउँका २३ वर्षीय युवकले शुक्रबार झुण्डिएर आत्महत्या गरेका प्रहरीले जनाएको छ ।

असार ३१ गतेदेखि वडा नम्बर ९ स्थित बुद्धोदय माविको क्वारेन्टिनमा बस्दै आएका थिए । स्वास्थ्य अवस्था सामान्य भएपनि उनले आत्महत्या गर्नुको कारण भने खुलेको छैन । उनको पीसीआर परीक्षण गरिएको छैन । परीक्षणका लागि स्वाब संकलन भइसकेको र थप अनुसन्धान भइरहेको प्रहरीले जनाएको छ ।

यसअघि प्रहरीको एउटा रिर्पोटकाअनुसार लकडाउन शुरु भएको चैतदेखि असारसम्म १ हजार भन्दा धेरैले आत्महत्या गरेका थिए । क्वारेन्टाइनमा बसेर आत्महत्या गरेका कतिपयको पीसीआर रिर्पोट नेगेटिभ आएको थियो ।