७ करोड ठगी गर्ने झापाका चन्दन जिन्दल पक्राउ

२ साउन, काठमाडौं । ठगी मुद्दापछि फरार रहेका झापाका चन्दन भनिने मनिष अग्रवाल पक्राउ परेका छन । दमक नगरपालिका ७ कृष्णमन्दिरका मनिष अग्रवाल भनेर चिनिने चन्दन जिन्दल पक्राउ परेका प्रहरीले जनाएको छ ।

झापा, बारा, पर्सा र सर्लाही बस्ने बिभिन्न व्यक्तिहरुलाई बिभिन्न बहानामा ठगी गरेर भागिरहेका उनलाई भक्तपुरको मध्यपुर ठिमि नगरपालिका ३ गठ्ठाघरमा लुगेको बसेको अवस्थामा महानगरीय अपराध महाशाखाले पक्राउ गरेको हो ।

जिन्दलले झापा, बारा, पर्सा र सर्लाही बस्ने २२ जनासँग ७ करोड ८१ लाख ४२ हजार रुपैयाँ ठगी गरेको आरोप छ । खाद्यान्न व्यापारीलाई बिश्वासमा लिएर उधारोमा खाद्यान्न ल्याई काठमाडौंका व्यापारीलाई खरिद मूल्य भन्दा पनि सस्तोमा नगदमा बिक्री गर्ने गरेको अनुसन्धानबाट खुल्न आएको महाशाखाले जनाएको छ ।

उनलाई आवश्यक कारवाहीका लागि जिल्ला प्रहरी कार्यालय बारा पठाइएको र थप अनुसन्धान भैरहेको महानगरीय प्रहरी अपराध महाशाखाले जनाएको छ ।