पूर्वराष्ट्रियसभा सदस्य दीपक गुरुङको निधन

२ साउन, गण्डकी ।  पूर्वराष्ट्रियसभा सदस्य एवम् नेपाली कांग्रेसका नेता मेजर दीपक गुरुङको ८४ वर्षको उमेरमा आज निधन भएको छ ।

कास्की जिल्लाको मादी गाउँपालिका–२ ताङतिङ स्थायी बसोबास भएका गुरुङको काठमाडौंस्थित नर्भिक अस्पतालमा उपचारका क्रममा निधन भएको उनका भतिजा एवं मादी गाउँपालिकाका अध्यक्ष वेदबहादुर गुरुङ ‘स्याम’ ले जानकारी दिए।

मधुमेह, उच्च रक्तचापलगायत स्वास्थ्य समस्या भएपछि उनी उपचारत थिए । भूतपूर्व सैनिक सङ्घका संस्थापक अध्यक्षसमेत रहनुभएका उहाँका श्रीमती, दुई छोरा र चार छोरी छन । स्वर्गीय गुरुङको पार्थिक शरीरलाई आजै पशुपति आर्यघाटमा अन्तिम संस्कार गरिने अध्यक्ष गुरुङले जानकारी दिए