म्याग्दी, पर्वत, बागलुङ र स्याङ्जाका थप १२ जनालाई संक्रमण

४ साउन, पोखरा । गण्डकी प्रदेशमा थप १२ जनालाई कोरोना संक्रमण पुष्टि भएको छ । म्याग्दी, पर्वत, बागलुङ र स्याङ्जाका थप १२ जनालाई कोरोना संक्रमण पुष्टि भएको हो । म्याग्दीको मालिका, मंगलामा दुई दुई जना र बेनी नगरपालिकामा १ जनालाई कोरोना संक्रमण पुष्टि भएको छ ।

पर्वतको जलजला गाउँपालिका र महाशिला गाउँपालिकामा एक एक जना, बागलुङको बडीगाड र काठेखोला गाउँपालिकामा १ जनामा कोरोना देखिएको छ । यस्तै स्याङ्जाको पुतलीबजार नगरपालिकामा १ जना र कालीगण्डकी नगरपालिकामा १ जनामा कोरोना भाइरस देखिएको छ ।

योसँगै गण्डकीमा संक्रमितको संख्या १ हजार २ सय ९० पुगेको छ । यसमध्ये ९ सय ३८ जना निको भएर घर फर्किदा ४ जनाको मृत्यु भएको थियो ।