भदौदेखि आन्तरिक उडान खोल्ने सरकारको निर्णय

५ साउन, काठमाडौं । भदौदेखि आन्तरिक उडान खुला हुने भएको छ । सोमबार बसेको मन्त्रिपरिषद् बैठकले भदौ १ गतेदेखि आन्तरिक उडान खोल्ने निर्णय गरेको हो । गएको चैत ११ गतेदेखि ठप्प बनेका आन्तरिक उडान अब २५ दिनपछि सुचारु हुनेछन ।

आन्तरिक उडान सञ्चालनका लागि आवश्यक प्रोटोकल तयार पार्न संस्कृति पर्यटन तथा नागरिक उड्ययन मन्त्रालयलाई मन्त्रिपरिषद बैठकले जिम्मा दिएको छ । प्रोटोकल नहुँदा जोखिम न्युनिकरण कम गर्न समस्या हुने भएपछि कार्यविधि बनाउन लागिएको हो ।

कार्यविधि बनाउन समय लाग्ने भएकै कारण झण्डै एक महिनापछि आन्तरिक उडान खोल्ने निर्णय गरिएको हो । सरकारले आन्तरिक उडान खोलेपनि अन्तर्राष्ट्रिय उडान भने तत्काल खुल्नेछैनन् ।