बक्राहा खोलाको बाढीले डेढ सय घर परिवार जोखिममा

६ साउन, विराटनगर । बाक्राहा खोलामा आएको बाढीले बाँध कटान गरेपछि मोरङका डेढ सय घरपरिवार जोखिममा परेका छन । बाढीले सुनवर्षी नगरपालिका–७ मा ४ परिवार बिस्थापित हुनुका साथै १५० परिवार जोखिममा परेका छन् ।

बाढीले चैता र मल्धैयाको बीचबाट १५ मिटर साइट बाध कटान गरेपछि १५० परिवार जोखिममा परेका हुन् । ४ परिवारलाई सुरक्षित स्थानमा सारिएको छ ।

सतारु ऋषिदेव, विलाश ऋषिदेव, बरुण ऋषिदेव र लक्ष्मण ऋषिदेवको परिवार विस्थापित भएका छन । विस्थापितलाई स्थानीय विद्यालयमा राखिएको छ । कटान रोक्न स्थानीय बासिन्दा, जनप्रतिनिधि र प्रहरीले अस्थायी बाध बनाउने प्रयास गरिरहेका छन ।