बालआश्रममा तरुण दलले मनायो ३८ औ बीपी स्मृति दिवस

६ साउन, काठमाडौं । नेपाली कांग्रेसको युवा भ्रातृ संगठन तरुण दलले ३८ औ बीपी स्मृति दिवस बालआश्रममा पुगेर मनाएको छ ।

बीपीको स्मृति दिवसका अवसरमा नेपाल तरुण दलले ललितपुरको महालक्ष्मी नगरपालिकाको एक बाल आश्रमका बालबालिकालाई फलफूल, मास्क, स्यानिटाइजर, साबुन वितरण गरेको हो ।

कार्यक्रममा नेपाल तरुण दलका केन्द्रिय अध्यक्ष जितजंग बस्नेत, उपाध्यक्ष उत्तम चापागाईं, कोषाध्यक्ष विद्वान गुरुङ लगायतको सहभागिता थियो । यसअघि तरुण दलले बीपी स्मृति दिवसका अवसरमा साताव्यापी कार्यक्रम नै गरेको थियो ।