३० बर्षपछि लिभरपुलले उचाल्यो प्रिमियर लिगको ट्रफी

८ साउन, एजेन्सी । प्रिमियर लिग च्याम्पियन लिभरपुलले ३० बर्षपछि घरेलु मैदान एनफिल्डमा ट्रफी उचालेको छ । चेल्सीमाथि ५–३ को रोमाञ्चक जित निकाल्दै लिभरपुलले एनफिल्डमा ट्रफी उचालेको हो ।

लिभरपुललाई जिताउन नेबी केइटा, ट्रेन्ट एलेक्जान्र आर्नोल्ड, जर्जिनो, रोबर्टो फिरमिनो र एलेक्स च्याम्बरलिनले गोल गरे । चेल्सीका लागि ओलिभर जिरउड, टामी अब्राहिम र क्रिस्टियन पुलिसिच गोल गरेपनि टिमलाई जिताउन सकेनन् ।

एनफिल्डमा लिभरपुलले खेलेका १९ मध्ये १८ मा जित निकाल्दा एक खेल बराबरी खेलेको थियो । अब लिभरपुलले अन्तिम खेल आइतबार न्युकासल युनाइटेडसँग खेल्नेछ ।