अतिविपन्नको लागि ल्याइएको राहत सामग्री बीच बाटामै अलपत्र
नेपालबहस संवाददाता
साउन ९, २०७७ शुक्रबार १८:२९:१९
९ साउन, बाजुरा । जिल्लाको पूर्वीउत्तरी क्षेत्रका लागि वितरण गर्न ल्याइएको राहत सामग्री आधा बाटामै रोकिएको छ । लगातारको वर्षाका कारण मार्तडी–कोल्टी सडक बन्द भएपछि बीच बाटामा पुगेको राहत अलपत्र अवस्थामा रहेको त्यस क्षेत्रका स्थानीय पालिकाले जानकारी दिएका छन् । पूर्वी–उत्तरी क्षेत्रमा पर्ने बूढीनन्दा नगरपालिका तथा हिमाली, स्वामिकात्र्तिक खापर गाउँपालिकासहित अतिविपन्न र गरिब परिवारका लागि आइएनएफ, एनएनडिएसडब्लुओलगायत संस्थाले राहत सामग्री ट्र्याक्टरमा लोड गरेर कोल्टी ल्याउन लागेका हुन् ।
राहत गैरसरकारी संस्थाले अतिविपन्न र गरिब परिवार मुक्तहलियाका लागि लक्षित गरेर वितरण गर्न लागेका हुन् । बन्दाबन्दीले पारेको प्रभाव र अरुको ज्यालादारी गरेर काम गर्ने परिवारका लागि राहतस्वरुप वितरण गर्न लागिएको एनएनडिएसडब्लुओका जिल्ला संयोजक रोशन खड्काले बताए।
मार्तडी–कोल्टी सडक खण्ड गत असार तेस्रो सातादेखि अवरुद्ध भएको छ । सडकमा कतै पहिरो खसेको छ भने कतै खोलामा पानीको बहाव बढेका कारण अवरुद्ध भएको जिल्ला प्रहरी कार्यालयले जनाएको छ । राहत सामग्रीसहित लाखौँको व्यापारिक सामग्री बोकेर हिँडेका ट्र्याक्टर पनि ठाउँठाउँमा अलपत्र अवस्थामा छन् ।
आइएनएफ नामक गैरसरकारी संस्थाले बूढीनन्दा नगरपालिकाका ४१० परिवारका लागि वितरण गर्न लागेको खाद्यान्न र सुरक्षा तथा सरसफाइ सामग्री बीच बाटोमै अलपत्र परेको छ । राहत सामग्री कोल्टी लैजाने क्रममा बडिमालिका नगरपालिका–७ को रजातोली आसपास क्षेत्रमा अलपत्र अवस्थामा परेको आइएनएफका क्षमता विकास अधिकृत तिलक भण्डारीले जानकारी दिए ।
स्थानीय तहले छनोट गरेका आधारमा विपन्न, एकल महिला, मुक्तहलिया अपाङ्गता भएका व्यक्तिलगायतका परिवारलाई राहत दिने निर्णय गरिएको थियो । साँझ–बिहान छाक टार्नसमेत समस्या परेका परिवारलाई लक्षित गरेर वितरण गर्न लागिएको सामग्री बीचमै अलपत्र हुँदा दुःख लागेको अधिकृत भण्डारीको भनाइ छ ।
राहत पाउने आशाले लक्षित वर्गले दिनदिनै फोन गरिरहेका उहाँले बताउनुभयो । आठ/दश जनालाई मात्र भए भरियामार्फत ढुवानी गर्न हुन्थ्यौँ यत्रो ठूलो सङ्ख्यामा समस्या भएको भण्डारीले बताए । यता नेपाल राष्ट्रिय दलित समाज कल्याण सङ्घले पनि हिमाली, स्वामीकार्तिक खापर गाउँपालिका र बूढीनन्दा नगरपालिकाका ५५१ परिवारका लागि वितरण गर्ने गरी पनि बीच बाटोमै अलपत्र परेको छ ।
खाद्यान्न सामग्री ठूलो मात्रामा भएकाले मान्छेबाट बोकाएर सम्भव नभएको र भनेको समयमा खच्चड पनि सम्पर्कमा नआएका कारण खाद्यान्न ढुवानीमा समस्या देखिएको छ । पानीकै कारण खाद्यान्न बिग्रिने चिन्तासँगै लक्षित वर्गलाई समस्यामा सहयोग पुग्न नसक्नु समस्या देखिएको छ ।
विसं २०५६ मा निर्माण शुरु भएको मार्तडी–कोल्टी सडक २१ वर्षसम्म पनि पुरानै अवस्थामा रहेको छ । ४३ किलोमिटर सडकमा रु ३५ करोड बढी बजेट खर्च गरिए पनि बाटो सुधार हुन नसक्दा स्थानीयवासीलाई असारदेखि असोजसम्म सास्ती बेहोर्नुपरेको छ । बाटो अवरुद्ध हुँदा दैनिक उपभोग्य सामान ढुवानीमा समेत समस्या देखिएको छ । यो वर्ष भने कालोपत्रका लागि रु ९८ करोडको पहिलो चरणको ठेक्का भई निर्माण शुरु गरिसकिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसडक बालबालिकाः पहिचान पाउन अझै पनि कठिन
बैशाख ८, २०८१ शनिबार
काठमाडौंका यी स्थानमा आज विद्युत सेवा अवरूद्ध हुने
बैशाख ८, २०८१ शनिबार
पर्यटकको रोजाइमा म्याग्दीको घोडेपानी, एक वर्षमा ३१ हजारले गरे भ्रमण
बैशाख ८, २०८१ शनिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार
वीरगञ्ज भन्सारद्वारा आठमहिनामा एक खर्ब १४ अर्ब राजस्व संकलन
बैशाख ८, २०८१ शनिबार
भन्सार छलेर ल्याएका ५० लाखका कपडा र काजु बरामद
बैशाख ८, २०८१ शनिबार