विरगञ्जमा कोरोना संक्रमित बृद्धको मृत्यु

९ साउन, वीरगञ्ज । पर्साको विरगञ्जमा एक जना कोरोना संक्रमितको मृत्यु भएको छ । गण्डक कोरोना अस्पतालमा उपचारको क्रममा ८५ वर्षीया वृद्धाको शुक्रबार बिहान मृत्यु भएको अस्पतालले जनाएको छ । यससँगै नेपालमा कोरोना मृत्तकको संख्या ४४ पुगेको छ ।

मुटुका रोगी रहेका संक्रमितको शुक्रबार बिहान साढे ११ बजे मृत्यु भएको अस्पतालका डाक्टर उदयनारायण सिंहले जानकारी दिए । उका अनुसार केही दिनअघि निमोनिया भएर वीरगञ्जको एडभान्स अस्पतालमा भर्ना उनलाई साउन ७ गते कोरोना संक्रमण पुष्टि भएको थियो ।

संक्रमित भएर अवस्था विग्रदै गएपछि उनलाई अस्पताल भर्ना गरिएको थियो । उपचारकै क्रममा शुक्रबार मृत्यु भएको हो । यसअघि पनि विरगञ्जमा एक बृद्धको मृत्यु भएको थियो ।