आज थप सात जनामा संक्रमण, संक्रमति संख्या ४२६ पुग्यो

◊ धीरुभाइ 

सप्तरी । सप्तरीमा शनिबार थप सात जना पुरुषमा कोरोना संक्रमण भेटिएको छ । यससँगै जिल्लामा संक्रमितको संख्या ४२६ पुगेको छ ।  स्वास्थ्य कार्यालय सप्तरीका शर्मिला चौधरीका अनुसार जिल्लाको रुपनी गाउँपालिका वार्ड नम्बर ६ का ३३, वार्ड नम्बर ५ का ४० वर्षका दुई, शम्भुनाथ नगरपालिका वार्ड नम्बर २ का २८, वार्ड नम्बर ८ का ४१, वार्ड नम्बर १२ का ४५ वर्षका तीन, र अग्निसाइर कृष्ण सवरन गाउँपालिका वार्ड नम्बर १ का २८ र वार्ड नम्बर ८ का २३ वर्षका दुई जनामा कोरोना संक्रमण भेटिएको छ ।

स्वास्थ्य कार्यालय सप्तरीका निमित प्रमुख दुनियालाल यादवका अनुसार नयाँ संक्रमतिहरुलाई राजविराज स्थित सञ्चालित आइसोलेशन अस्पताल केन्द्रमा ल्याउने तयारी भइरहेको छ । पछिल्लो दुई दिन यता १५ जना नयाँ संक्रमित थपिएको थियो । हिजो शुक्रबार आठ र अस्ति बिहीबार सात जनामा संक्रमण भटिएको उनले बताए ।

जिल्लामा हालसम्म आइसोलेन केन्द्रमा भर्ना भएका कूल ४०२ जनामध्ये ३१२ जना निको भएर डिस्चार्ज भइ घर फर्किसकेको गजेन्द्र नारायण सिंह अस्पतालका मेडिकल सुपरिटेन्डेन्ट डा. रणजीत कुमार झाले बताए । अहिले ९० जनाको उपचार भइरहको उनले बताए । आइसोलेशनमा उपचारत सबैको स्वास्थ्य अवस्था सामान्य रहेको उनले भने, कसै कसैमा सामान्य रुघाखोकी, टाउको दुख्ने समस्या आएको थियो ।

औषधि सेवन गरेपछि निको हुदै गएको छ ।  स्वास्थ्य कार्यालयका निमित प्रमुख यादवले राजविराज नगरमा १०, बलानबिहुल गाउँपालिकामा दुई र डाक्नेश्वरी नगरपालिकामा एक जना संक्रमित होम आइसोलेशनमा रहेको बताए ।