पूर्वडीआईजी कोइरालाको पुनरावलोकन मुद्दाको सुनुवाई आज हुदैँ

११ साउन, काठमाडौं । श्रीमतीको हत्या गरेर जेल परेका तर न्यायाधीसको फैसलाले रिहा भइसकेका पूर्वडीआईजी रञ्जन कोइरालाविरुद्धको निवेदनमाथि आज सुनुवाइ हुदै छ । सर्वस्वसहित जन्मकैदको सजाय भोगिरहेका सशस्त्र प्रहरीका पूर्व डीआईजी कोइरालालाई सर्वोच्च अदालतका न्यायाधीसले आधाभन्दा बढी सजाय छुट गरेर फैसला गरेका थिए ।

सोही मुद्दामाथि परेको पुनरावलोकन मुद्दामा परेको रिटमाथि आज सुनुवाई हुन लागेको हो । शुक्रबार दर्ता भएको रिटमा आज पेशी तोकिएको थियो । महान्यायाधिवक्ताको कार्यालयले सर्वोच्च अदालतबाट स्थापित नजिर वा कानुनी सिद्धान्तको प्रतिकूल फैसला भएको भन्दै पुनरावलोकनको निवेदन दिएको थियो ।

सर्वोच्च अदालतका प्रधानन्यायाधीस चोलेन्द्र शमशेर जबरा र न्यायाधीस तेजबहादुर केसीको इजलासले कोइरालालाई जन्मकैद सजाय महंगो पार्न जाने भन्दै ११ बर्ष कैद सजाय छुट गरेर ८ बर्षमा रिहा हुने फैसला गरेको थियो । जसको अहिले सामाजिक सञ्जाल र सडकमा चर्को विरोध भइरहेको छ ।

श्रीमती गीता ढकालको हत्या गरेर शव आधा जलाएको अवस्थामा बरामद भएको थियो भने उनलाई प्रहरीले काठमाडौंको नागढुंगाबाट पक्राउ गरेको थियो । यस मुद्दाले नेपालकै न्याय प्रणालीमाथि प्रश्न उठेको भन्दै चौतर्फी विरोध र आलोचना भइरहेको छ ।