तीन बुँदे माग राखेर अनशन बस्ने डा.केसीको चेतावनी

११ साउन, काठमाडौं । डा.गोविन्द केसीले ३ वटा माग राख्दै फेरि अनसन बस्ने चेतावनी दिएका छन् । आइतबार विज्ञप्ती निकालेर डा.केसीले ३ बुँदे माग राख्दै तीन साताभित्र माग पूरा नभए फेरि अनसन बस्ने चेतावनी दिएका हुन् ।

उनका मागमा कर्णाली स्वास्थ्य विज्ञान प्रतिगठानमा तत्काल पूर्वाधार र जनशक्ति पु¥याएर एमबीबीएसको पढाइ सुरु गर्न, आफूसँग २०७५ साउन १० गते भएको सम्झौताअनुसार चिकित्सा शिक्षा ऐनमा संशोधन गर्न र चिकित्सा शास्त्र अध्ययन संस्थान आईओएममा वरिष्ठता मिचेर भएको नियुक्रि सच्याउनुपर्नेछ ।

जुम्लामा रहेका केसीले जारी गरेको विज्ञप्तिमा कर्णाली स्वास्थ्य विज्ञान प्रतिष्ठानको स्नातकोत्तर तहको अनुमति प्रधानमन्त्री केपी शर्मा ओलीले नाजायज रुपमा रोकेको आरोप लगाउँदै तत्काल अनुमति प्रदान गर्न माग गरिएको छ ।

त्यस्तै केसीले चिकित्सा शिक्षा नियमावली सच्याउँदै स्नातकोत्तर तहमा खुलातर्फ ७० सिट कायम गर्न पनि माग गरेका छन् । यस्तै डा. केसीले कोरोनाको विश्वब्यापी महामारीका बेला जनतालाई राहत पु¥याउनुको सट्टा भ्रष्टाचार गरेर आफ्नै मन्त्री र कार्यकर्तालाई धनी बनाउन सरकार लागेको आरोप लगाएका छन् ।

साथै डा.केसीले युवाहरुले थालेको सत्याग्रह अभियानमा समर्थन जनाउँदै उनीहरुका माग पूरा गर्न पनि सरकारसँग माग गरेका छन् ।

डा.केसीले जारी गरेको मागपत्र