फेरि पाँच दिनसम्म भारी बर्षाको सम्भावना

११ साउन, काठमाडौं । भोलिदेखि पाँच दिनसम्मै भारी बर्षा हुने भएको छ । जल तथा मौसम विज्ञान विभागले भोलिदेखि साउन १६ गतेसम्म भारी बर्षा हुने सम्भावना रहेको मौसम पूर्वानुमान महाशाखाले जनाएको छ ।

जल तथा मौसम विज्ञान विभागका अनुसार पानी पार्ने मनसुन न्यून चापीय रेखा तराई मधेस नजिक रहने र यसले भारी बर्षाको सम्भावना छ । यसपटक प्रदेश १ र प्रदेश २ मा भारी बर्षाको सम्भावना रहेको मौसम पूर्वानुमान महाशाखाले जनाएको छ ।

यस्तै बागमती, गण्डकी, प्रदेश ५, कर्णाली तथा सुदुरपश्चिमका पनि भारी बर्षाको सम्भावना छ । बर्षासँगै नदीमा पानीको सतह बढ्ने र बाढी आउने मौसमविदले बताएका छन् ।