आज थप १३९ जनालाई संक्रमण, ६२६ जना डिस्चार्ज !

१२ साउन, काठमडौं । नेपालमा थप १ सय ३९ जनालाई कोरोना संक्रमण पुष्टि भएको छ । सोमबार थप १ सय ३९ जनालाई संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना संक्रमितको संख्या १८ हजार ७५२ पुगेको छ ।

यस्तै कोरोना जितेर सोमबार ६ सय २६ जना घर फर्किएका छन । यससँगै नेपालमा कोरोना जितेर घर फर्किनेको संख्या १३ हजार ७५४ जना पुगेको छ । पछिल्लो समय कोरोना जित्नेको संख्या बढ्दो क्रममा छ । यसअघि आइतबार ७५ जना, शनिबार १०६ जना, शुक्रबार १०७ र बिहीबार १५६ जना निको भएका थिए ।

अहिलेसम्म कोरोनाबाट ४८ जनाको मृत्यु भएको छ ।