भिसा म्याद थप गर्न विदेशी पर्यटकको आग्रह
नेपालबहस संवाददाता
साउन १२, २०७७ मंगलबार २:१७:३०
◊ जमुनावर्षा शर्मा
१२ साउन, पोखरा । विभिन्न देशबाट नेपाल घुम्न आएका विदेशी पर्यटकले बन्दाबन्दीका कारण घुम्न नपाएकाले तत्काल स्वदेश फर्कदा कोरोनाको उच्च जोखिम रहेको भन्दै भिसा म्याद थप गरिदिन नेपाल सरकारसँग माग गरेका छन् ।
बन्दाबन्दी अघि विभिन्न देशबाट नेपाल घुम्न आएका पर्यटकले आज पोखरामा पत्रकार सम्मेलन गरी कोभिड–१९, का कारण जारी बन्दाबन्दीले पोखरा र आसपासका क्षेत्र घुम्न नपाएको साथै तत्काल स्वदेश फर्कदा कोराना सङ्क्रमणको जोखिमसमेत रहेको भन्दै भिसा म्याद थपको माग गरेका हुन् । नेपाल सरकारले आगामी भदौ १ गतेदेखि अन्तर्राष्ट्रिय उडान खुला हुने र म्याद सकिएर बसेका पर्यटकलाई १५ दिनपछि स्वदेश फर्कन आग्रह गरेसँगै उनीहरुले म्याद थपको माग गरेका हुन् ।
अमेरिकी नागरिक रोक्सी गुलियानोले नेपालमा रहन चाहेको कारण उल्लेख गर्दै भने, “नेपालमै बढी सुरक्षित महसुुस गरेका छौँ, विमानस्थल र ट्रान्जिट अझै खतरामुक्त भएको छैन, आफन्त र परिवारले पनि नेपालमै सुरक्षित रहन आग्रह गरेका छन्, हामीले चाहे जसरी नेपाल घुम्न पाएका छैनौँ, त्यसैले केही समय थपको माग गरेका हौँ ।”
बेलायतका नागरिक लिन्डाले बन्दाबन्दी अघि नेपाल आएको र अहिले स्वदेश फर्कदा कोरोना महामारी रहेकाले नेपालमै बस्न चाहेको बताए । अर्का नागरिक क्लिभ ग्रिल्सले नेपाल घुम्ने चाहना हुँदाहुँदै पनि बन्दाबन्दीले घुम्न नपाएकाले अक्टुबर नोभेम्बरको समयमा पदयात्रा गर्ने चाहना राखेको बताए । अमेरिकी नागरिक यमीले दोस्रो चोटी नेपाल घुम्न आएको अनुभव सुनाउँदै कोभिड–१९ प्रभाव आफ्नो देश अमेरिका उच्च रहेकाले धेरै सुरक्षित भएकाले तत्काल स्वदेश फर्कन नचाहेको बताए । उरुग्वेका मार्टिनले तत्काल घर फर्कन खर्चिलो र जोखिम भएकाले केही समय नेपालमा रहन चाहेको बताए ।
अष्ट्रेलियाका नागरिक फ्रान्सिसका अनुसार नेपालभरी करिब एक हजार ५०० पर्यटक रहेका र उनीहरु तत्काल स्वदेश फर्कन नचाहेको बताए । उनले पोखरामा मात्र करिब ३०० देखि ४०० पर्यटक रहेका र अधिकांशले भिसा म्याद थप गरेर नेपालमै सुरक्षित रहन चाहेको बताए । पश्चिमाञ्चल होटल सङ्घका अध्यक्ष विकल तुलाचनले नेपाल सरकारले आगामी भाद्र १ गतेदेखि अन्तर्राष्ट्रिय उडान शुरु गर्ने र म्याद थप गरेर बसेका पर्यटकलाई स्वदेश फर्कन आग्रह गरेपछि पोखरामा रहेका पर्यटकले थप समयको माग गरेको बताए ।
उनले भने, “अधिकांश पर्यटक फिरन्ते छन्, कति आफ्नो देश भन्दा यहाँ सुरक्षित महसुस गरेका छन्, कति पर्यटकका आफन्तले नेपालमै बस्न सुझाव दिएका छन्, केही पर्यटक पदयात्रामा पनि जान चाहेका छन्, उनीहरुले सङ्घसँग पनि आग्रह गरेका थिए तर यो नेपाल सरकारको कुरा भएकाले हामीले यस विषयमा केही भन्न सक्दैनौ भन्यौ ।” उनले भाद्र १ गतेदेखि अन्तर्राष्ट्रिय उडान पुनः सञ्चालन हुने भएकाले पर्यटन क्षेत्रमा पनि पर्यटकको खाँचो रहने भएकाले नेपालमा रहेका पर्यटकको भिसा म्याद थप गरेर नेपालमै रोक्न सके पर्यटन क्षेत्रका गतिविधि चलायमान हुन सक्ने विश्वास व्यक्त गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनिजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
बजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
बागमती प्रदेशसभा : हिउँदे अधिवेशनका ५७ दिनमा ६ बैठक मात्रै !
बैशाख १३, २०८१ बिहिबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार