युटयुबर अर्जुन सिवाकोटी जेल चलान

१३ साउन, काठमाडौं । विश्व हिन्दु महासंघको पदाधिकारी र युट्युबर भन्दै चिनाउने अर्जुन शिवाकोटी बलात्कार आरोपमा जेल परेका छन् । जिल्ला अदालत, काठमाडौंले पुर्पक्षका लागि सिवाकोटीलाई थुनामा पठाउन आदेश दिएपछि उनलाई डिल्लीबजार कारागार चलान गरिएको हो ।

बानियाँटारकी १२ र १४ वर्षीया बालिकालाई बलात्कार गरेको अभियोगमा शिवाकोटीलाई थुनामा पठाउन आदेश दिइएको हो । महानगरीय अपराध अनुसन्धान महाशाखाका अनुसार शिवोकाटीले पीडित बालिकाको परिवारलाई हत्या गर्ने धम्की दिएर करणी गरेको भन्दै उजुरी परेको थियो ।

शिवाकोटीले प्रहरी प्रशासनसँग समेत राम्रो चिनजान भएको बताएपछि बालिकाका बुबाआमा न्याय खोज्दै महानगरीय अपराध अनुसन्धान महाशाखासम्म पुगेका थिए ।