लाईसेन्स बनाईदिने भन्दै ठगी गर्ने पाण्डे पक्राउ

१३ साउन, काठमाडौं । लाइसेन्स बनाइदिन्छु भनेर रकम असुली गरेको आरोपमा एक जना पक्राउ परेका छन् । लाइसेन्स बनाईदिने भन्दै मुगु खत्याड गाउँपालिका–८ घर भइ हाल भक्तपुर मध्यपुर ठिमी नगरपालिका बस्ने २५ वर्षीय प्रेमराज पाण्डेले ठगी गरेको पाइएपछि पक्राउ परेका हुन् ।

उनलाई महानगरीय प्रहरी वृत्त, थानकोटले खरिबाटेबाट पक्राउ गरिएको डीएसपी राजकुमार केसीले बताए । उनका अनुसार प्रारम्भिक अनुसन्धानमा पाण्डेले चन्द्रागिरि–४ का मंगल श्रेष्ठ र शैसव श्रेष्ठ लगायतलाई लाइसेन्स बनाइदिन्छु भनेर प्रतिव्यक्ति साढे १३ हजार रुपैयाँ लिएका थिए ।

प्रहरीले पाण्डेलाई पक्राउ गरेर थप अनुसन्धान अगाडी बढाएको छ ।